Paychek chüshkendin kéyin xitay merkiziy bankisi ösüm nisbitini töwenletti

2015-06-28
Élxet
Pikir
Share
Print


Ötken ikki heptidin buyan xitay paychek bazirida jiddiy töwenlesh körülgendin kéyin, xitay merkiziy bankisi ösüm nisbitini tarixtin buyanqi eng towen chekke chüshürüp bazarni turaqlashturmaqchi boldi.

Xitay merkiziy bankisining shenbe küni öz torbétide körsitishiche, banka qerz bérish ösüm nisbitini 4.85 Pirsentke chüshürgen.

Melum bolushiche, xitay merkiziy bankisi bu arqiliq paychek bazirining töwenlishi pul mu'amile bazirida keltürüp chiqarghan alaqzadilikning aldini almaqchi bolghan.

"Blumbérg" torida neqil qilishiche, xongkongdiki mizuho meblegh sélishi shirkitidiki iqtisadshunas sen jyanggüen mundaq dégen: merkiziy banka paychekning töwenlishidin hoduqush kélip chiqishini xalimaydu. Bu xil alaqzadilik iqtisadiy muqimsizliq keltürüp chiqiridu.

Shangxey birikme indikisi 26 - iyun 7.4 Pirsent töwenligen. Shuning bilen mezkur paychek baziridiki bu heptilik omumiy töwenlesh 12 - pirsenttin 19pirsent etrapida bolghan.

Shangxey we shénjén indéksliri 2 - iyunmu yuqiri nisbette töwenligen idi.

Bu xil töwenlesh xitay pay hessidarlirini qorqutuwetken. Shuning bilen ular qolliridiki paylirini türkümlep sétishqa bashlighan, netijide bu xitay paychek bazirida bir qétimliq sétish patiparaqchiliqi keltürüp chiqarghan.

Hökümet da'iriliri buning aldinqi élish üchün jiddiy tedbirlerni élishqa mejbur bolghan.

Bu xitay merkiziy bankisining ösüm nisbitini ötken yili noyabirdin buyan 4 - qétim chüshürüshi.

Toluq bet