Amérika awam palata ezasi reshéntallér xitay kommunistlirining amérika puqrasi bolushining aldini élish qanun layihesi sundi

Muxbirimiz erkin
2020-06-18
Élxet
Pikir
Share
Print

Amérika awam palata ezasi gay reshéntaller yéqinda qanun layihesi sunup, xitay komunistlirining amérika puqraliqigha ötüshini chekleshni telep qilghan.

Mezkur qanun layiheside xitay kompartiyesi ezalirining amérikada menggü turushluq guwahnamisi bolghan yéshil kartqa érishishini cheklesh telep qilin'ghan. Gay reshéntoller 15-iyun küni élan qilghan bu heqtiki bayanatida tekitlishiche, "Xitay kompartiyesi yer shari sehniside amérikaning eqliy mülüklirini oghrilash, xelq'ara soda qanunigha xilapliq qilish, qebih kishilik hoquq depsendichilikide bolush, bolupmu yéqinqi waqitlarda korona wirusigha alaqidar uchurlarni yoshurushni öz ichige alghan zorawan we perwasizlarche xahishlarda bolup kelgen."

U: "Nahayiti éniqki, xitay kompartiyesi ezaliri bizning amérika ghayimiz we qimmet qarishimizgha ortaqlashmaydu. Biz ularning amérika puqrasi bolup, barliq imtiyazlardin behriman bolushigha yol qoymasliqimiz kérek," dégen. Gay reshéntallérning mezkur qanun layihesi prézidént tramp "Uyghur kishilik hoquq siyasiti qanuni" gha imza qoyup, Uyghur diyarida kishilik hoquqni depsende qiliwatqan xitay emeldarlirini jazalashning yoli échilghan bir mezgilde otturigha qoyuldi.

Reshéntallérning tekitlishiche, uning sun'ghan qanun layihesi xitay kompartiyesi we uning warislirining amérika puqrasi bolushi men'i qilin'ghan kishiler tizimlikige kirgüzülüp, xitay kompartiyesi ezalirining yéshil kart almasliqigha kapaletlik qilidiken. Amérikaning hazirqi qanunda "Kommunist bolghan yaki herqandaq bir diktator partiyege eza bolghan köchmenler" ge yéshil kart bérishni cheklisimu, lékin bu qanun hazirgha qeder xitay kommunistlirigha tedbiqlanmay kelgen idi.

Toluq bet