Д у қ хитай сақчилирини уйғурларни қирғин қилиш билән әйиблиди

Мухбиримиз меһрибан
2013-12-30
Елхәт
Пикир
Share
Принт

Дуня уйғур қурултийи баянатчиси дилшат ришит, 30-декабир йәкәндә йүз бәргән қанлиқ вәқә һәққидә хәлқара мәтбуатлардин әркин асия радиоси, б б с агентлиқи, тәйвән мәркизи агентлиқи қатарлиқларда баянат берип, хитай қораллиқ сақчилириниң уйғурларни оққа тутуп, 8 уйғурни етивәткәнликини әйиблиди.

Дилшат ришит 30-декабир дүшәнбә күни әркин асия радиосиға бу һәқтә бәргән баянатида,«биз хитай қораллиқ сақчилириниң уйғурларни оққа тутушини әйибләш билән биллә, хәлқара җәмийәт вә америка,явропадики демократик дөләтләрни хитай коммунист һөкүмитиниң уйғурларниң қаршилиқ һәрикәтлирини қорал күчи билән қанлиқ бастуруш һәрикитини тохтитиши үчүн җиддий тәдбир елишқа чақиримиз» деди.

Баянатчи дилшат ришит тәйвән мәркизи агентлиқиға бәргән баянатида ши җинпиң һөкүмитиниң уйғурларға қаратқан сияситини әйибләп, «хитай даирилири иқтисадий ислаһатни йолға қойған йеқинқи йиллардин буян, уйғурларға қарита еғир дәриҗидики кәмситиш вә бастуруш сиясити йүргүзүп кәлмәктә. Болупму ши җинпиң тәхткә чиққандин буян, уйғурларниң қаршилиқ һәрикәтлирини биваситә оққа тутуп бастуруш сиясити иҗра қилинмақта» дегән.

Пикирләр (0)
Share
Толуқ бәт