Xitay sayahetchi qepestiki bir qara éyiqni étip öltürgen

Muxbirimiz jüme
2017-12-30
Élxet
Pikir
Share
Print

Birmigha sayahetke barghan bir xitay puqrasining qepestiki bir qara éyiqni miltiq bilen étip öltürgen sin körünüshi torgha chaplan'ghandin kéyin küchlük ghulghula qozghighan.

En'gliyedin chiqidighan "Kündilik mektuplar" gézitining xewer qilishiche, étip öltürülgen bu éyiq asiya qara éyiqi bolup, nöwette yoqilip kétish tehditige duch kelgen éyiq iken. 

Xewerge qarighanda, bu weqe birmining xitay bilen chégrilinidighan we ölkiside yüz bergen. Qara éyiqni atqan u xitay kishi xitay axbaratlirigha éyiqning eslide étilish alida turghan bir éyiq ikenlikini, shunga uni étish ruxsitini yerlik hökümettin alghanliqini we bu éyiqini bir qiziqish nuqtisidinla atqanliqini bildürgen. 

Bu sayahetchining éyiqni étiwatqan körünüshi 27-dékabir xitaydiki ijtima'iy taratqulargha chaplan'ghan we qattiq naraziliqqa seweb bolghan. 

Melum bolushiche, bu filim shu sayahetchiler guruppisidiki bireylen teripidin tartilghan. Ular tartqan yene bir körünüshte öltürülgen éyiqning soyulghanliqi, ichki ezaliri parchilan'ghanliqi, 4 dane éyiq tapining késilip bir yerge döwilinip qoyulghanliqi xatiriligen. 

Xewerde asiya haywanat hoquqini qoghdash jem'iyitidiki doktor jil robinsonning éytqanliridin neqil élip körsitishiche, qara éyiqning ichki ezaliri we tapanliri xitayni öz ichige alghan asiya elliride qanunsiz sétilidiken. 

U, mezkur filimdiki körünüshlerge qarighanda bu qara éyiqningmu qarangghu bazarda sétilish üchün öltürülgen bolushi mumkinlikini ilgiri sürgen.

Toluq bet