Rusiye xitayning shimaliy qutupqa kirishidin endishe qilmaqta

Muxbirimiz ümidwar
2018-02-11
Élxet
Pikir
Share
Print

Rusiye xitayning shimaliy qutup istratégiyesidin endishe qilmaqta. Amérika awazining bu heqtiki bir xewiride körsitilishiche, yéqinda xitay özining "Shimaliy qutup aq tashliq kitabi‏" ni élan qilghandin kéyin rusiye terep mezkur aq tashliq kitabtiki mezmunlargha alahide diqqet qilghan hemde xitayni rusiyening shimaliy qutuptiki menpe'etlirige hörmet qilishqa chaqirghan.

Uchur wasitiliridin melum bolushiche, xitayning shimaliy qutupni tekshürüsh, ilmi tetqiqat élip bérish we échish pilanliri ilgiri rusiyening eng qarshi turushigha uchrap kelgen idi. Sabiq sowét ittipaqi dewride bolsa, xitayning shimaliy qutupqa kirishi téximu mumkin emes idi.

Emma, yéqinqi yillardin buyan rusiyening gherb bilen bolghan munasiwetlirining yiriklishishi netijiside rusiyening xitayning özini qollishigha mohtaj bolushi shuningdek ikki dölet siyasiy, soda-iqtisadiy we herbiy hemkarliqlirining éshishigha egiship, xitay shimali qutupqa kirish herikitini kücheytken, buning bilen rusiyemu bu mesilide yol qoyushqa mejbur bolmaqta iken.

Rusiyening xitaydiki bash elchisi andréy dénisow xitayning shimaliy qutup pilani heqqide toxtalghanda, rusiyening endishisini yoshurmighan bolup, u: "Shimaliy qutup rusiyening shimali qutup yoli bolupla qalmastin yene kanada we bashqa döletlerningmu su da'irisigimu munasiwetlik. Rusiye qatarliq döletler, shimaliy qutup su rayonini ishlitish we échishta öz menpe'etlirining ziyan'gha uchrishini ümid qilmaydu‏" dégen. 

Analizchilarning qarishiche, rusiye xitayning shimali qutupqa meblegh sélishini xalisimu, uning u jaylarni kontrol qilishni xalimaydiken. Rusiye peqet xitayning pulidin paydilanmaqchi, rusiye yéqinda özining shimaliy qutup qanunini élan qilmaqchi iken shuningdek u yene shimaliy qutupni téximu kontrol qilish üchün mexsus shimali qutup qoshunini qurghan.

Toluq bet