Хитай һөкүмитиниң «мәркәзләштүрүп су билән тәминләш қурулуши» тәшвиқати гуман қозғимақта

Мухбиримиз әзиз
2020-05-12
Елхәт
Пикир
Share
Принт

Уйғурлар дияридики «намратлиқтин қутулдуруш» шоари астида оттуриға чиқиватқан йеңи тәдбирләрниң бири «мәркәзләштүрүп су билән тәминләш қурулуши» болуватқанлиқи мәлум. «Шинҗаң гезити» ниң 12-май санида нөвәттә 13 милйон деһқан-чарвичиниң бу қурулуштин бәһримән болуватқанлиқи алаһидә баян қилинған.

Хәвәрдә ейтилишичә, тарим вадисидики һәрқайси деһқан-чарвичиларниң йиллардин буян көл вә қудуқ сүйи ичиши бу җайлардики түрлүк кесәлликләрниң түп мәнбәси икән. Әмдиликтә мәркәзләштүрүп су билән тәминләш қурулушини толуқ әмәлгә ашуруш вә туруба сүйи билән тәминләш арқилиқ бу һалға үзүл-кесил хатимә бәргили болидикән.

Хәвәрдә бу қурулушниң хотәнниң һәрқайси наһийә вә йезилиридин ақсу әтраплириғичә болған җайларда әмәлийлишидиғанлиқи ейтилиду. Шу қатарда техи йеқинда толуқ көчүрүветилгән дәря бойи йезисидики хәлқниң йеңи маканға көчкәндин кейин дәсләпки қәдәмдә сап су ичиш бәхтигә муйәссәр болғанлиқи гәвдиләндүрүлиду. Йәкән наһийәси тағарчи йезилиқ су понкитиниң хадими ханзорәм өзлириниң һәрқачан ичимлик суниң сүпитини тәкшүрүп туридиғанлиқини ейтип «биз турубидики суниң сүпитигә толуқ капаләтлик қилип келиватимиз» дәйду.

Һалбуки муһаҗирәттики бир қисим анализчилар бу қурулушниң уйғур деһқан-чарвичилириға бәхт елип келиштин көрә уларға техиму зор контроллуқ вә башқа сәлбий амилларни елип келиши мумкинликини алға сүрмәктә. Уйғурлар дияридики лагерларда омумлишиватқан қиз-чоканларни туғмас қиливетиш қилмиши һәққидә тохталған мустәқил көзәткүчи елшат һәсән бу һәқтә сөз қилип «бу су қурулуши асасән уйғурлар топлишип олтурақлашқан җайларда давам қилмақта. Униңдики суниң тәркибидә қандақ елементларниң барлиқиға бирнәрсә демәк қийин» деди.

Пикирләр (0)
Share
Толуқ бәт