Uyghur diyaridiki aliy mekteplerde xitay tilini omumlashturush chaqiriqi ewj aldi

Muxbirimiz eziz
2017-10-10
Élxet
Pikir
Share
Print

Yerlik da'irilerning Uyghurlar diyaridiki her derijilik mekteplerde Uyghur tilini men'i qilish buyruqi keng ijra boluwatqanda bir qisim aliy mekteplerde "Xitay ortaq tilini omumlashturush" chaqiriqi tushmu-tushtin otturigha qoyulmaqta.

Xitay hökümiti bashquruwatqan "Yer shari waqti" gézitining 9-öktebirdiki xewiride éytilishiche, Uyghurlar diyaridiki uzun tarixqa ige aliy mekteplerdin qeshqer uniwérsitéti, oqutquchi we oqughuchilargha "Ijtima'iy muqimliq" üchün "Ortaq til" ni omumlashturush heqqide chaqiriq qilghan.

Mezkur chaqiriqta qaysi millet bolushidin qet'iynezer sinip ichi we sirtidiki herqandaq oqutush pa'aliyetliride, oqutquchi we oqughuchilar arisidiki herqandaq alaqide xitay ortaq tilini "Ortaq til" süpitide qollinish telep qilin'ghan. Chaqiriqta éniq qilip "Ortaq tilni omumlashturush herqaysi milletlerning yughurulup milletler ittipaqliqini we ijtima'iy muqimliqni ortaq qoghdishigha paydiliq" déyilgen.

Muhajirettiki bezi Uyghur ziyaliyliri bu heqte pikir qilip, "Xitay hökümitining Uyghur tilini men'i qilip emdilikte xitay tilini ashkara ortaq tilgha aylandurmaqchi bolushi ularning Uyghurlarni assimilyatsiye qilish qedimini téximu tézlitiwatqanliqining ipadisi" déyishti.

Toluq bet