Tajsiman yuqumni yoshurushida dunya sehiye teshkilatining jawabkarliqini sürüshtürüsh telep qilindi

Muxbirimiz erkin
2020-04-03
Élxet
Pikir
Share
Print

Xitayning wuxende partlighan korona wirusi yuqumini yoshurushida dunya sehiye teshkilatining jawabkarliqini sürüshtürüsh, mezkur teshkilatning éfiyopiyelik rehbiri gebreysusning istépa bérishini telep qilish sadaliri kücheymekte.

Amérika jumhuriyetchi kéngesh palata ezasi rik skot 1-aprél bayanat élan qilip, dunya sehiye teshkilatining xitay kompartiyesining yuqumni yoshurushigha yardem qilghanliqi, amérika hökümiti bu organning yuqumni yoshurushta oynighan rolini tekshürüshi kéreklikini bildürgen.

Uning tekitlishiche, amérika dölet mejlisi guwahliq yighini chaqirip, dunya sehiye teshkilatigha bériwatqan zor bedel pulini dawamliq bérish-bermeslikni qarap chiqishi kérek iken. Shuning bilen bir waqitta amérika kéngesh palata ezasi marta miksaliy, dunya sehiye teshkilatining bash diréktori gebreysusning istépa bérishini telep qilghan. Uning 2-aprél amérikadiki "Siyaset" tor gézitige bildürüshiche, gebreysus xitayning korona wirusi yuqumini yoshurushigha yardem qilghan.

"Washin'gton közetküchisi" gézitining xewer qilishiche, dunya sehiye teshkilati yene yaponiyening tenqidlishige uchrighan. Yaponiyening mu'awin bash weziri taro asu 2-aprél yaponiye parlaméntida söz qilip, "Bu orun dunya sehiye teshkilati emes, xitay sehiye teshkilati, dep atilishi kérek" dégen. Uning tekitlishiche,

"Ilgiri u xitayda öpke yallughi yuqumi yoq, dep ching turmighan bolsa, kishiler uninggha qarita baldurraq tedbir alattiken". Nöwette xitay ötken yili 11-ayda bayqalghan wirusni yoshurup, yuqumning hazirqidek dunyagha yamrishini keltürüp chirish bilen eyiblenmekte.

Toluq bet