Yawropa parlaménti xitayning kishilik hoquq weziyitidin, Uyghur we tibetlerning ehwalidin endishe qiliwatqanliqini bildürdi

Muxbirimiz erkin
2015-12-18
Élxet
Pikir
Share
Print

Yawropa parlaménti, yawropa ittipaqning xitay bilen munasiwiti heqqidiki doklatini maqullap, yawropa ittipaqini xitay bilen térrorluq, qanunsiz köchmenler, kilimat özgirishi, dunya pul mu'amile bazirini tertipke sélish qatarliq mesililerde hemkarliqni kücheytishke chaqirghan.

Shuning bilen birge, xitayning kishilik hoquq weziyitidin endishe qiliwatqanliqini tekitlep, xitayning tibetlerge tutqan mu'amilisini, Uyghur medeniyitini chetke qéqishtek qattiq qol siyasitini tenqid qilghan.

Yawropa parlaménti xitaydiki pa'aliyetchiler, adwokatlar, ilmiy xadim we ammiwi guruh wekillirining ehwalidin endishe qiliwatqanliqini bildürüp, yawropa ittipaqini xitayning ijtima'iy teshkilatlarni bashqurush qanun layihesige, tor bixeterlik qanunigha naraziliq bildürüshke chaqirghan.

Yawropa parlaméntining ilgiri sürüshiche, bu belgilimiler puqralarning yighilish, söz erkinlikini cheklep, xitaydiki yawropa karxanilirigha we teshkilatlirigha paydisiz tesir körsitidiken.

Bu yil yawropa ittipaqi bilen xitay munasiwet qurghanliqining 40 yilliqi.

Yawropa ittipaqi-xitay munasiwet doklati 16‏-dékabir yawropa parlaméntida awazgha qoyulghan. Doklatqa yawropa parlaméntidiki 554 eza qollap awaz bergen, 55 eza qarshi awaz bergen, 99 eza awaz bérishtin waz kechken.

Toluq bet