Уйғур диярида көпләп хитай хизмәтчиләр ишқа қобул қилинмақта

Мухбиримиз әзиз
2019-09-04
Елхәт
Пикир
Share
Принт

Уйғур дияридики зор тутқун хәлқараниң диққитидә болуватқанда хитай һөкүмитиниң «җәмийәттин хизмәтчи қобул қилиш» намида кәспий орунларға ичкиридин хитай кадирларни хизмәткә қобул қилиши диққәт қозғимақта.

«Тәңритағ тори» ниң 3-сентәбирдики хәвиридә ейтилишичә, ақсу вилайити йеқинда 613 нәпәр кәспий хадим қобул қилиш һәққидә елан чиқарған. Еланда бу хадимларниң җамаәт хәвпсизлики (җ х ) системиси, давалаш вә сәһийә системиси қатарлиқларға қобул қилинидиғанлиқи ейтилған. Лопнур наһийәси чиқарған хизмәт еланлириниң биридә болса мәзкур наһийәниң сақчи системисиға шитат сиртида 70 нәпәр хадим қобул қилинидиғанлиқи ейтилиду.

Уйғур дияриға даир хәвәрләрдин мәлум болушичә, нөвәттә яш вә оттура яш уйғурларниң мутләқ көп қисми лагерларға елип кетилгән болғачқа бу хизмәт еланлириниң қобул қилиш обйекти тәбиий һалда хитайлар болидиғанлиқи һәққидә пикирләр оттуриға қоюлмақта. Д у қ ниң баянатчиси дилшат решит бу һәқтә пикир қилип «бунчә көп санда кәспий хадим қобул қилиш ениқки лагерлар хизмитиниң еһтияҗиға маслишиш үчүндур» деди.

Пикирләр (0)
Share
Толуқ бәт