Uyghur diyarida köplep xitay xizmetchiler ishqa qobul qilinmaqta

Muxbirimiz eziz
2019-09-04
Élxet
Pikir
Share
Print

Uyghur diyaridiki zor tutqun xelq'araning diqqitide boluwatqanda xitay hökümitining "Jem'iyettin xizmetchi qobul qilish" namida kespiy orunlargha ichkiridin xitay kadirlarni xizmetke qobul qilishi diqqet qozghimaqta.

"Tengritagh tori" ning 3-séntebirdiki xewiride éytilishiche, aqsu wilayiti yéqinda 613 neper kespiy xadim qobul qilish heqqide élan chiqarghan. Élanda bu xadimlarning jama'et xewpsizliki (j x ) sistémisi, dawalash we sehiye sistémisi qatarliqlargha qobul qilinidighanliqi éytilghan. Lopnur nahiyesi chiqarghan xizmet élanlirining biride bolsa mezkur nahiyening saqchi sistémisigha shitat sirtida 70 neper xadim qobul qilinidighanliqi éytilidu.

Uyghur diyarigha da'ir xewerlerdin melum bolushiche, nöwette yash we ottura yash Uyghurlarning mutleq köp qismi lagérlargha élip kétilgen bolghachqa bu xizmet élanlirining qobul qilish obyékti tebi'iy halda xitaylar bolidighanliqi heqqide pikirler otturigha qoyulmaqta. D u q ning bayanatchisi dilshat réshit bu heqte pikir qilip "Bunche köp sanda kespiy xadim qobul qilish éniqki lagérlar xizmitining éhtiyajigha maslishish üchündur" dédi.

Toluq bet