B d t emeldari xitaydin adwokat jang tyenyungning dérikini qildi

Muxbirimiz méhriban
2016-12-06
Élxet
Pikir
Share
Print

Birleshken döletler teshkilati emeldari 6-dékabir seyshenbe küni xitay hökümitini bu yil 11-ayning 21-künidin buyan "Mejburiy ghayib qiliwétilgen" kishilik hoquq adwokati jang tyenyung heqqide melumat bérishni telep qildi.

B d t kishilik hoquq komitéti alahide axbarat xadimi filip ependi, seyshenbe küni élan qilghan bayanatida xitay hökümitidin adwokat jang tyenyungning tuyuqsiz ghayib bolushining sewebi we uning qeyerdiliki heqqide uchur bérishni telep qilghan. Filip ependi yene, özining bu yil 8-ay mezgilide xitaygha qilghan ziyaritide adwokat jang tyenyung bilen ikki qétim körüshkenlikini tilgha élip, béyjing hökümitining bu sewebtin jang tyenyungdin öch élishidin ensirewatqanliqini bildürgen.

Xewerlerdin melum bolushiche, b d t kishilik hoquq komitéti xadimi filip ependi bu yil 8-ayning 15-künidin 23-künige qeder xitayda 9 künlük ziyarette bolghan we bu mezgilde jang tyenyung qatarliq bir türküm kishilik hoquq adwokatliri we pa'aliyetchiliri bilen körüshken. Eyni chaghda filip xitay ziyaritidin qaytip kelgendin kéyin, xitay hökümitining namratlarni yölesh siyasitidiki mesililer we xitayda erkin pikir qilishning chekliniwatqanliqi qatarliq kishilik hoquq mesililirini otturigha qoyup xitay hökümitini tenqidligen idi.

Toluq bet