Хитайниң чаңҗяң дәря вадисидики кәлкүндә 49 милйон адәм апәткә учриди

Мухбиримиз меһрибан
2016-07-12
Елхәт
Пикир
Share
Принт

Хитайда бу йил һөл-йеғинниң зиядә көп йеғиши сәвәблик, чаңҗяң дәря вадисидики хубей, әнхуй, хунән, җияңши, фуҗйән қатарлиқ он өлкидә йүз бәргән кәлкүн апитидә 49 милйон адәм апәткә учриди.

Хитайниң чаңҗяң апәт райони баш штабиниң 11-июлдики хәвиридә, юқириқи өлкиләрдики кәлкүн апитидә 6-айниң 30-күнидин 7-айниң 10 күнигә қәдәр 222 кишиниң кәлкүндә өлгән яки ғайиб болғанлиқини, чоң вә оттура типтики су амбарлиридин төтиниң, кичик су амбарлиридин 403 ниң кәлкүндә зәхимләнгәнлики тилға елинған.

Радийомиз хитай бөлүми 12-июл сәйшәнбә күни чаңҗяң дәря вадисидики фу җиән өлкисидики апәт райони минчиң наһийисидин игилигән әһвалдин мәлум болушичә, пүтүн наһийидә 16 йеза қаттиқ ямғур вә кәлкүн апитигә учриған. Хитай таратқулири апәттә 10 адәм өлгән 11 адәм ғайиб болғанлиқини хәвәр қилған. Зияритимизни қобул қилған пуқралар мәзкур наһийидики кәлкүн апитиниң «ривайәтләрдә тәсвирлинидиған заман ахири мәнзирисини әслитидиғанлиқи» ни билдүрди. Улар баянида һөкүмәт даирилири елан қилған кәлкүндә өлгәнләр сани һәққидики хәвәрниң растлиқ дәриҗисиниң төвәнликини билдүрүп, «улар хәвәрләрдә наһийидә 10 адәм өлди деди, әмма дәрядин сүзүвелинған вә базарлиқ һөкүмәткә елип келингән җәсәтләрла 100 дин ашиду, һөкүмәт җәсәтләрни удуллуқ көйдүрүватиду» деди.

Пикирләр (0)
Share
Толуқ бәт