Ши җинпиңни истепаға чақириш хети елан қилинған хитай ториниң 2 мәсули давамлиқ туруп турулмақтикән

Мухбиримиз әркин
2016-06-24
Елхәт
Пикир
Share
Принт

Үрүмчидики «вуҗйе» намлиқ хитай тор бетиниң тақалғанлиқи, униң 2 мәсулиниң һазирға қәдәр тутуп турулуватқанлиқи мәлум болди. Мәзкур тор бекити бу йил 3‏ -айда хитай рәиси ши җинпиңни истепаға чақириш хети елан қилип, зор ғулғула қозғиған.

Хитай иҗтимаий таратқулирида ашкарилишичә, «вуҗйе» ториниң баш иҗраийә мудири авяң хуңляң билән алий муһәррири чең шеңҗуңниң тутуп турулуватқиниға 101 күн болған.

Авяң хуңляңниң аяли җүмә күни хитай иҗтимаий таратқулирида елан қилған учурида, авяң хуңляң «алақидар органларниң тәкшүрүшигә ярдәмлишиватқачқа униң билән алақимиз үзүлүп қалғили 101 күн болди» дегән.

«Садиқ компартийә әзалири» ниң намида йезилған бу хәтниң үрүмчидики бир һөкүмәт торида елан қилиниши һәр хил гуманларни қозғиған иди.

Авяң хуңляңниң аялиниң билдүрүшичә, тор бекити бу йил 3‏-айда мәҗбурий тақилип, униң хадимлириниң һәммиси ишсиз қалған. Даириләр уларниң давалаш вә башқа иҗтимаий суғуртилирини кесип ташлиған.

Бурун мәзкур торда ишлигән бир хадим фирансийә агентлиқиға бәргән учурида, бу торниң хуаң җиҗйе исимлик йәнә бир мәсули бу йил 3‏-айда тутқун қилинған болсиму, әмма кейинрәк қоюп берилгәнликини билдүргән.

Ши җинпиң истепаға чақирилған у хәттә, ши җинпиңниң һоқуқни өзигә мәркәзләштүрүп, иқтисадни башқуралмиғанлиқи, идеологийәлик контроллуқни күчәйткәнлики тәнқид қилинған.

Пикирләр (0)
Share
Толуқ бәт