Хитайда коммунистларниң динға ишиниши чәклинидиғанлиқи йәнә тәкитләнди

Мухбиримиз меһрибан
2016-12-27
Елхәт
Пикир
Share
Принт

Хитайда коммунистларниң динға ишиниши чәклинидиғанлиқи йәнә тәкитләнди.

Хитай хәлқ тори 27-декабир «компартийә әзалириниң динға ишәнмәслики сиясий интизам» темисида баш мақалә елан қилип, хитай компартийисиниң 18-нөвәтлик 6-омуми йиғинида компартийә әзалириниң һәрқандақ диний етиқад паалийәтлиридә болуши қаттиқ чәклинидиғанлиқини тәкитлиди.

Мақалидә, 18-нөвәтлик 6-омуми йиғинда елан қилинған бәлгилимиләрдин«коммунистлар хурапатлиқ паалийәтлиригә қатнашмаслиқ, диний етиқадқа ишәнмәслик, қанунсиз диний паалийәтләрдә болмаслиқ, миллий бөлгүнчилик күчлиригә һәмкарлашмаслиқ, зораван гуруһларға қатнашмаслиқ, террорлуқ паалийәтлиридә болмаслиқ» қатарлиқ 6 бәлгилимә алаһидә тилға елинип, юқириқи бәлгилимиләрниң һәрқандақ биригә хилаплиқ қилған компартийә әзасиниң интизам җазаси яки қануний җазаға учрайдиғанлиқи алаһидә әскәртилгән.

Хитай хәлқ гезитидә елан қилинған мәзкур мақалә вәзийәт анализчилириниң диққитини қозғиди. Америкидики вәзийәт анализчилиридин обзорчи чен покуң әпәнди өз қаришини оттуриға қоюп,«даириләрниң компартийә әзалириниң динға ишәнмәсликини қайта тәкитлиши йеңилиқ болмисиму, әмма нөвәттә хитайда һакимийәт йүргүзүватқан хитай компартийә әзалирида омумий кәйпиятқа айланған идийиви давалғуш, болупму бир түркүм компартийә әзалири арисида әвҗ еливатқан диний етиқад вә ғәрб демократ идийисигә майиллиқтин әнсирәватқанлиқиниң ипадиси» деди.

Пикирләр (0)
Share
Толуқ бәт