Гуаңдуң һөкүмәт даирилири пуниң намайишини «һөкүмәтни қоршивелиш һәрикити» дәп әйиблиди

Мухбиримиз меһрибан
2015-12-25
Елхәт
Пикир
Share
Принт

24-Декабир күни гуаңдуңниң пуниң шәһиридә 30 миң кишилик наразилиқ намайиши йүз бәргәндин кейин, 25-декабир күни гуаңдуң һөкүмәт даирилири баянат елан қилип, вәқәни «һөкүмәтни қоршивелиш һәрикити» дәп әйиблиди.

Пуниң шәһәрлик һөкүмәт ахбарат ишханиси 25-декабир күни тарқатқан омуми уқтурушида «24-декабир күни 100 дин артуқ киши пуниң шәһәрлик партком вә мәктәпләрни қоршивелип, пуқраларни әрз қилишқа, һөкүмәткә һуҗум қилишқа қутратқулуқ қилғандин кейин, пуниң шәһәрлик сақчи идариси дәрһал һәрикәткә келип, вәқәни тинчитти» дәп көрсәткән.

Һалбуки әркин асия радиоси қатарлиқ хәлқара таратқулар игилигән учурларда, 10 күндин буян гуаңдуң өлкиси пуниң шәһиридики пуқраларниң шәһәрдә қурулмақчи болған әхләттин ток һасил қилиш завутиға қарши наразилиқ һәрикити елип бериватқанлиқи, 24-декабир күни намайишчилар сани улғийип, 30 миңдин ешип намайишчилар билән уларни бастурушқа әвәтилгән сақчилар оттурисида тоқунуш йүз бәргәнлики, сақчиларниң бастурушида 100 нәччә адәм ярилинип 10 нәччә адәм тутқун қилинғанлиқи, сақчиларниң намайишчиларға көздин яш аққузуш бомбилири вә оқ атқанлиқи қатарлиқ әһваллар ашкариланған иди.

Пикирләр (0)
Share
Толуқ бәт