Сичүәндә хитай сақчилар тибәт намайишчилириға оқ чиқарди

Мухбиримиз әркин
2014-12-26
Елхәт
Пикир
Share
Принт

Кишилик һоқуқ тәшкилатлириниң ашкарилишичә, хитайниң тибәтләр олтурушлуқ ғәрбий сичүән районида сақчилар билән тибәтлик намайишчилар оттурисида тоқунуш йүз бәргән. Вәқәдә сақчилар тибәт намайишчилириға оқ чиқирип бир кишини яриландурған.

Лондонни база қилған әркин тибәт һәрикити, намлиқ кишилик һоқуқ тәшкилати, сақчиларниң шу йәрдики бир сақчихана алдиға топланған тибәт намайишчилириға оқ чиқирип, бир тибәт раһибниң қоли яриланғанлиқини билдүргән. Бирақ мәзкур тәшкилат вәқәниң қачан йүз бәргәнлики вә башқа тәпсилатларни тилға алмиған.

Лекин бу вәқә йеқиндин буян тибәтләр олтурушлуқ районларда вәзийәт җиддийлишип, өзини көйдүрүш вәқәлири көпийишкә башлиған мәзгилдә йүз бәрди. Тибәт кишилик һоқуқ тәшкилатлириниң илгири сүрүшичә, йеқинқи бир һәптә ичидә сичүәндики тибәтләр районида 3 тибәтлик раһиб өзигә от қоюп көйдүргән.

Улар хитай һөкүмитиниң тибәт сияситигә наразилиқ билдүрүп, тибәт диний рәһбири далай ламаниң тезрәк тибәткә қайтишиға йол қоюшни тәләп қилған.

Пикирләр (0)
Share
Толуқ бәт