Sichüende xitay saqchilar tibet namayishchilirigha oq chiqardi

Muxbirimiz erkin
2014-12-26
Élxet
Pikir
Share
Print

Kishilik hoquq teshkilatlirining ashkarilishiche, xitayning tibetler olturushluq gherbiy sichüen rayonida saqchilar bilen tibetlik namayishchilar otturisida toqunush yüz bergen. Weqede saqchilar tibet namayishchilirigha oq chiqirip bir kishini yarilandurghan.

Londonni baza qilghan erkin tibet herikiti, namliq kishilik hoquq teshkilati, saqchilarning shu yerdiki bir saqchixana aldigha toplan'ghan tibet namayishchilirigha oq chiqirip, bir tibet rahibning qoli yarilan'ghanliqini bildürgen. Biraq mezkur teshkilat weqening qachan yüz bergenliki we bashqa tepsilatlarni tilgha almighan.

Lékin bu weqe yéqindin buyan tibetler olturushluq rayonlarda weziyet jiddiyliship, özini köydürüsh weqeliri köpiyishke bashlighan mezgilde yüz berdi. Tibet kishilik hoquq teshkilatlirining ilgiri sürüshiche, yéqinqi bir hepte ichide sichüendiki tibetler rayonida 3 tibetlik rahib özige ot qoyup köydürgen.

Ular xitay hökümitining tibet siyasitige naraziliq bildürüp, tibet diniy rehbiri dalay lamaning tézrek tibetke qaytishigha yol qoyushni telep qilghan.

Toluq bet