Gu'angdungning jenjyang shehiride puqralar bilen saqchilar toqunushqan

Muxbirimiz eziz
2017-08-03
Élxet
Pikir
Share
Print

Xitayning gu'angdung ölkisi jenjyang shehirige qarashliq süyshi nahiyiside dawam qiliwatqinigha bir aydin ashqan puqralarning naraziliq namayishi bügün yuqiri pellige chiqqan. Netijide xitay qoralliq saqchiliri namayish qilghuchilar bilen tirkiship onlighan kishini urup yarilandurghan.

Radiyomiz muxbirlirining igilishiche, alaqidar hökümet emeldarliri bilen til biriktürüwalghan yerlik zomigerler birlikte bu nahiye teweside "Shéshin éléktr istansisi" namida qurulush bashlighan. Netijide 700 mo yerge sélinmaqchi bolghan qurulush testiq bolmighan hemde alaqidar resmiyetler tamamlanmighan ehwalda déhqanlarning térilghu yéri, baqmichiliq meydani qatarliqlarni igiliwalghan hemde tölem bérishni ret qilghan.

Yerdin ayrilip qalghan déhqanlar bügün'ge qeder köp qétim naraziliq namayishi qilghan bolsimu, herbiylerning urup-dumbalishi bilen tarqitiwétilgen. Buning bilen bügünki 9-qétimliq zor toqunush kélip chiqqan.

Melum bolushiche, xitay tewesidiki herqaysi jaylarda bu xildiki naraziliq namayishi köp yüz bersimu, "Muqimliq" ni bahane qilghan xitay da'iriliri herqachan qoralliq saqchilar hemde herbiylerni ishqa sélish arqiliq bu xil namayishchilarni qoghlap kelmekte iken. Halbuki, Uyghurlar diyarida bolsa bu xil naraziliqlar her zaman qoralliq basturuluwatqan bolup, analizchilar buni "Xitay hakimiyitining Uyghurlar bilen xitaylargha ikki xil ölchem qollinish usulining emili misali" dep körsitidu.

Toluq bet