Сичүәндә деһқанлар билән сақчилар арисида тоқунуш йүз бәрди

Мухбиримиз меһрибан
2016-01-19
Елхәт
Пикир
Share
Принт

Радиомиз мухбирлириниң игилишичә, 18-январ дүшәнбә күни чеңду шәһиридә йүз бәргән йәр төләм пулиға нарази болуп намайиш қилған 2000 дин артуқ деһқан билән, уларни бастурушқа кәлгән сақчилар оттурисида тоқунуш йүз берип, 10 нәччә деһқан яриланған.

Нәқ мәйдандин радиомизға әһвални баян қилған сичүәнлик җаң фамилилик деһқанниң билдүрүшичә, 18-январ дүшәнбә әтигән тәхминән 2000 дәк деһқан қурулуш орниға бесип келип наразилиқ намайиши қилғинида, даириләр 1000 дин артуқ сақчини әвәтип қизилмуч сүйи чечиш арқилиқ намайишчиларни тарқилип кетишкә зорлиған, икки тәрәп оттурисида тоқунуш йүз бәргән. Радиомиз йәрлик һөкүмәт даирилиридин әһвал игиләшкә тиришқан болсиму, әмма телефонни алған хадим бу ишни ениқ билмәйдиғанлиқини билдүрүп, зиярәтни қобул қилишни рәт қилди.

Вәқәниң йүз бериш сәвәби һәққидә тохталған җаң әпәндиниң билдүрүшичә, чеңду шәһәр әтрапидики чаңлуң йезисидики деһқанларниң терилғу йәрлири 2007-йилдин башлап төвән баһада сетивелинип, районда сода базири қуруш пиланланған. Әсли бәлгилимидә адәм бешиға 120 миң сом төләм бериш бәлгиләнгән болсиму, әмма деһқанларға адәм бешиға 20 миң сом төләм берилиши деһқанларни нарази қилған. 9 Йилдин буян деһқанлар йәргә берилгән төләм пулниң азлиқиға нарази болуп, көп қетим әрз қилған болсиму, әмма деһқанлар рази болғудәк җавабқа еришәлмәй кәлгән.

Пикирләр (0)
Share
Толуқ бәт