Sichüende déhqanlar bilen saqchilar arisida toqunush yüz berdi

Muxbirimiz méhriban
2016-01-19
Élxet
Pikir
Share
Print

Radi'omiz muxbirlirining igilishiche, 18-yanwar düshenbe küni chéngdu shehiride yüz bergen yer tölem puligha narazi bolup namayish qilghan 2000 din artuq déhqan bilen, ularni basturushqa kelgen saqchilar otturisida toqunush yüz bérip, 10 nechche déhqan yarilan'ghan.

Neq meydandin radi'omizgha ehwalni bayan qilghan sichüenlik jang famililik déhqanning bildürüshiche, 18-yanwar düshenbe etigen texminen 2000 dek déhqan qurulush ornigha bésip kélip naraziliq namayishi qilghinida, da'iriler 1000 din artuq saqchini ewetip qizilmuch süyi chéchish arqiliq namayishchilarni tarqilip kétishke zorlighan, ikki terep otturisida toqunush yüz bergen. Radi'omiz yerlik hökümet da'iriliridin ehwal igileshke tirishqan bolsimu, emma téléfonni alghan xadim bu ishni éniq bilmeydighanliqini bildürüp, ziyaretni qobul qilishni ret qildi.

Weqening yüz bérish sewebi heqqide toxtalghan jang ependining bildürüshiche, chéngdu sheher etrapidiki changlung yézisidiki déhqanlarning térilghu yerliri 2007-yildin bashlap töwen bahada sétiwélinip, rayonda soda baziri qurush pilanlan'ghan. Esli belgilimide adem béshigha 120 ming som tölem bérish belgilen'gen bolsimu, emma déhqanlargha adem béshigha 20 ming som tölem bérilishi déhqanlarni narazi qilghan. 9 Yildin buyan déhqanlar yerge bérilgen tölem pulning azliqigha narazi bolup, köp qétim erz qilghan bolsimu, emma déhqanlar razi bolghudek jawabqa érishelmey kelgen.

Toluq bet