Үрүмчи интернет тори учур ишханиси йеңи типлиқ таҗсиман вирус һәққидә «өсәк сөз» тарқитиш билән әйибләнди

2020-01-28
Елхәт
Пикир
Share
Принт

«Хитай хәвәрләр тори» үрүмчи интернет тори учур ишханисиниң йеңи типлиқ таҗсиман вирус һәққидә «өсәк сөз» тарқатқанлиқини илгири сүрди.

«Хитай хәвәрләр тори» 27-январ күни тарқатқан хәвиридә, үрүмчи шәһәрлик интернет тори учур ишханисини «26-күни үрүмчи шәһиридики юқумлиниш әһвали һәққидә әмәлийәткә уйғун кәлмәйдиған хәвәр тарқатти» дәп әйиблигән.

Мәлум болушичә, үрүмчи шәһәрлик интернет тори учур ишханиси шу күни тарқатқан хәвиридә «һәрқайси җайларда топлишип йемәк йейиш мәни қилиниду. Ашханилар вақитлиқ тақалди», «үрүмчигә кирип чиқидиған барлиқ йолучи вә йүк аптомобиллири, таксилар тохтитилди», «ичкиридин кәлгәнләр үрүмчидә 14 күн муддәт бойичә карантинға елиниду» дегәнләрни елан қилған икән.

Бирақ «хитай хәвәрләр тори?» мәзкур учурларниң ялғанлиқини, үрүмчидә һәммә орунларниң нормал хизмәт бериватқанлиқини, ашханиларниң очуқлуқини, аптобусларниң нормал қатнаватқанлиқини илгири сүргән.

2017-Йилидин бери шинҗаң интернет тори учур ишханиси, үрүмчи интернет тори учур ишханиси вә шинҗаң уйғур аптоном районлуқ җ х назарити қатарлиқлар бирликтә уйғур елидә нурғун кишини «интернет тори суписидин пайдилинип, зораванлиқ вә террорлуқ, диний әсәбийлик, миллий бөлгүнчилик, шундақла питнә-пасат, ялған учур тарқитиш, үн-син, йезиқ вә сүрәт һөҗҗәтлирини тәрғиб қилиш, сақлаш һәмдә тарқитиш» қатарлиқ җинайәтләр арқилиқ бир тәрәп қилғаниди. Бирақ униң бүгүн хитай хәвәрләр тори тәрипидин өсәк сөз тарқитиш билән әйиблиниши күчлүк диққәт қозғиди.

Юқиридики әһвал, хитай һөкүмәт даирилириниң нөвәттә «вухән вируси» ға аит әмәлийәтни хитай вә дунядики җамаәтчиликтин йошуруватқанлиқи һәққидики гуманларни күчәйткән.

Пикирләр (0)
Share
Толуқ бәт