Xitay da'iriliri bu yil xitay ölkiliridiki toluq ottura siniplargha Uyghur élidin oqughuchi qobul qilishni yenimu köpeytti

Muxbirimiz erkin
2013-08-08
Élxet
Pikir
Share
Print

Uyghur aptonom rayonluq ma'arip nazariti xitay ölkiliridiki "Shinjang toluq ottura sinipliri"gha Uyghur élidin oqughuchi qobul qilishni bu yil yenimu köpeytip, 9122 ge yetküzidighanliqini élan qilghan.

Bu yil ötken yilqidin az kem 800 neper oqughuchi köp qobul qilinidiken. Xitay da'iriliri 2000‏-yili achqan tunji türkümdiki "Shinjang toluq ottura sinipi"gha ming oqughuchi qobul qilghan. Bu san 13 yilda az kem 10 minggha yétip bardi. Bu yilliq qobul qilinidighan oqughuchilarning mutleq köp qismi yerliktin bolup, bingtu'endin peqet 330 neper oqughuchi qobul qilinidiken.

Xitay da'irilirining xitay sheherliride "Shinjang sinipi" échip oqughuchi sanini üzlüksiz köpeytishi bezi Uyghur ziyaliylirini endishige sélishqa bashlighan. Bu ziyaliylar, xitay da'irilirining bu arqiliq Uyghur yash-ösmürlirining kallisini yuyup, ularning medeniyet we milliy kimlik tuyghusini ajizlashturush meqsitige yetmekchi boluwatqanliqini ilgiri sürüp kelgen idi.

Aptonom rayonluq ma'arip nazaritining ashkarilishiche, bu yil Uyghur élidin 38 ming oqughuchi atalmish "Shinjang sinipi"gha iltimas qilghan. "Shinjang sinipi" échilghan 2000‏-yildin hazirghiche, jem'iy 60 ming 400 oqughuchi qobul qilin'ghan.

Toluq bet