Уйғур деһқанлириниң хитайчә йосунда чағанни тәбриклиши юқири долқунға көтүрүлмәктә

Мухбиримиз әзиз
2019-01-29
Елхәт
Пикир
Share
Принт

Уйғурлар дияридики сиясий бастурушниң ахирқи мәқсити һәққидә һәрхил мулаһизиләр оттуриға чиқиватқанда хитай һөкүмитиниң хитай мәдәнийитини актиплиқ билән тәшвиқ қилиши бу җәһәттики бәзи һөкүмләрниң тоғрилиқини дәлиллимәктә. Нөвәттә уйғур деһқанлириниң вә кадирлириниң хитайларниң әнәниви чаған байримини хитайчә шәкилдә тәбрикләшкә тәшкиллиниши бу нуқтини йәнә бир қетим гәвдиләндүрди.

«Ақсу ахбарат тори» ниң 28-январдики хәвиридә ейтилишичә, онсу наһийәсидики деһқанлар өзлириниң юқиридин тәйинләп берилгән хитай «туғқан» лири бир йәргә җәм болуп чағанниң тәйярлиқини қолму-қол пүттүргән. Шуниңдәк бирликтә хитайчә мәснәви вә пануслар тәйярлап чаған өткүзүшкә тәйярланған.

«Хитай хәвәрлири» тори 28-январ күни үрүмчи шәһиридики бир қисим уйғур аммиси үрүмчи шәһәрлик сәнәт сарийида хитайчә услубтики қәғәз қийиш арқилиқ чағанлиқ тәбрикләрни ипадиләш паалийитигә қатнаштурулған. Буниңда уйғур аммиси қизил қәғәздин қийилған чошқиниң тәсвирини көтүргиничә хитай деһқанлар календаридики йеңи йилни қутлуқлиған. «Ақсу ахбарат тори» ниң 29-январдики хәвиридә ейтилишичә, бай наһийәсиниң сайрам йезисидики деһқанлар чағанни күтүвелиш үчүн хитайларниң әҗдиһа вә шир ойнитиш паалийитигә қатнаштурулған.

Анализчилар бу һәқтә пикир қилип: «әзәлдин чаған өткүзмәйдиған уйғурларни хитайчә шәкилдә чағанни тәбрикләшкә қисташ маһийәттә хитай һөкүмитиниң ашкара һалда уйғурларни хитай болушқа қиставатқанлиқиниң ипадиси» деди.

Пикирләр (0)
Share
Толуқ бәт