Uyghur déhqanlirining xitayche yosunda chaghanni tebriklishi yuqiri dolqun'gha kötürülmekte

Muxbirimiz eziz
2019-01-29
Élxet
Pikir
Share
Print

Uyghurlar diyaridiki siyasiy basturushning axirqi meqsiti heqqide herxil mulahiziler otturigha chiqiwatqanda xitay hökümitining xitay medeniyitini aktipliq bilen teshwiq qilishi bu jehettiki bezi hökümlerning toghriliqini delillimekte. Nöwette Uyghur déhqanlirining we kadirlirining xitaylarning en'eniwi chaghan bayrimini xitayche shekilde tebrikleshke teshkillinishi bu nuqtini yene bir qétim gewdilendürdi.

"Aqsu axbarat tori" ning 28-yanwardiki xewiride éytilishiche, onsu nahiyesidiki déhqanlar özlirining yuqiridin teyinlep bérilgen xitay "Tughqan" liri bir yerge jem bolup chaghanning teyyarliqini qolmu-qol püttürgen. Shuningdek birlikte xitayche mesnewi we panuslar teyyarlap chaghan ötküzüshke teyyarlan'ghan.

"Xitay xewerliri" tori 28-yanwar küni ürümchi shehiridiki bir qisim Uyghur ammisi ürümchi sheherlik sen'et sariyida xitayche uslubtiki qeghez qiyish arqiliq chaghanliq tebriklerni ipadilesh pa'aliyitige qatnashturulghan. Buningda Uyghur ammisi qizil qeghezdin qiyilghan choshqining teswirini kötürginiche xitay déhqanlar kaléndaridiki yéngi yilni qutluqlighan. "Aqsu axbarat tori" ning 29-yanwardiki xewiride éytilishiche, bay nahiyesining sayram yézisidiki déhqanlar chaghanni kütüwélish üchün xitaylarning ejdiha we shir oynitish pa'aliyitige qatnashturulghan.

Analizchilar bu heqte pikir qilip: "Ezeldin chaghan ötküzmeydighan Uyghurlarni xitayche shekilde chaghanni tebrikleshke qistash mahiyette xitay hökümitining ashkara halda Uyghurlarni xitay bolushqa qistawatqanliqining ipadisi" dédi.

Toluq bet