Америка дөләт мәҗлиси әзалири хоңкоңдики «қачқунлар низамиға түзитиш киргүзүш қанун лайиһәси» ни әмәлдин қалдурушни тәләп қилди

Мухбиримиз сада
2019-06-12
Елхәт
Пикир
Share
Принт

Йеқинда америка дөләт мәҗлиси қармиқидики хитай ишлири иҗраийә комитетиниң әзалиридин америка авам палата әзаси җеймис мәкговрен вә америка кеңәш палата әзаси марко рубийо бирликтә хоңкоңниң мәмурий башлиқи кәррий ләмгә хәт йезип, хоңкоң һөкүмити оттуриға қойған «қачқунлар низамиға түзитиш киргүзүш қанун лайиһәси» ни әмәлдин қалдуруши лазимлиқини билдүрди.

«Қачқунлар низамиға түзитиш киргүзүш лайиһәси» 6-айниң 20-күни хоңкоң парламентида авазға қоюлидиған болуп, буниң ичидә «дөләт бихәтәрликигә тәһдит шәкилләндүргәнләрни хитайға әвәтип сот қилиш» ға мунасивәтлик бир мадда бар икән. Марко рубийо вә җеймис мәкговрен хетидә «мәзкур лайиһә америка вә хоңкоңниң мунасивитигә сәлбий тәсир елип келиду» дегән һәмдә хоңкоң һөкүмәт даирилиригә буни әмәлдин қалдуруш тәлипини қойған.

9-Июн күни хоңкоңдики милйондин артуқ киши йәрлик һөкүмәтниң юқириқи низамиға қарши бир мәйдан намайиш елип барған иди. Гәрчә демократик әлләр бу намайишни пүтүн күчи билән қоллиған болсиму, хитай һөкүмити буниңға наразилиқ билдүргән шундақла мәзкур низамниң хоңкоңда толуқ әмәлгә ешишида чиң туруватқанлиқини ипадә қилған иди.

Пикирләр (0)
Share
Толуқ бәт