Amérika dölet mejlisi ezaliri xongkongdiki "Qachqunlar nizamigha tüzitish kirgüzüsh qanun layihesi" ni emeldin qaldurushni telep qildi

Muxbirimiz sada
2019-06-12
Élxet
Pikir
Share
Print

Yéqinda amérika dölet mejlisi qarmiqidiki xitay ishliri ijra'iye komitétining ezaliridin amérika awam palata ezasi jéymis mekgowrén we amérika kéngesh palata ezasi marko rubiyo birlikte xongkongning memuriy bashliqi kerriy lemge xet yézip, xongkong hökümiti otturigha qoyghan "Qachqunlar nizamigha tüzitish kirgüzüsh qanun layihesi" ni emeldin qaldurushi lazimliqini bildürdi.

"Qachqunlar nizamigha tüzitish kirgüzüsh layihesi" 6-ayning 20-küni xongkong parlaméntida awazgha qoyulidighan bolup, buning ichide "Dölet bixeterlikige tehdit shekillendürgenlerni xitaygha ewetip sot qilish" gha munasiwetlik bir madda bar iken. Marko rubiyo we jéymis mekgowrén xétide "Mezkur layihe amérika we xongkongning munasiwitige selbiy tesir élip kélidu" dégen hemde xongkong hökümet da'irilirige buni emeldin qaldurush telipini qoyghan.

9-Iyun küni xongkongdiki milyondin artuq kishi yerlik hökümetning yuqiriqi nizamigha qarshi bir meydan namayish élip barghan idi. Gerche démokratik eller bu namayishni pütün küchi bilen qollighan bolsimu, xitay hökümiti buninggha naraziliq bildürgen shundaqla mezkur nizamning xongkongda toluq emelge éshishida ching turuwatqanliqini ipade qilghan idi.

Toluq bet