Xongkongda namayishlar qaytidin bash kötürdi, saqchilar 12 kishini tutqun qildi

Muxbirimiz irade
2014-12-25
Élxet
Pikir
Share
Print

Xongkong saqchi da'iriliri peyshenbe küni 12 namayishchini tutqun qilghan. Birleshme agéntliqining xewer qilishiche, xongkongda 3 aygha yéqin waqit dawam qilghan namayish ötken heptilerde saqchilar teripidin mejburiy halda ayaghlashturulghan bolsimu, biraq peyshenbe küni bir qisim namayishchilar qaytidin mongkok rayonigha kélip namayish qilip, meydanni igilimekchi bolghan. Saqchilar namayishchilarni tarqaqlashturush üchün ulargha köz yashartquchi bomba atqan we 12 nepirini tutqun qilghan. Kélip chiqqan toqunushta ikki neper saqchimu yarilan'ghan.

Xongkongda nechche on minglighan oqughuchi ötken aylarda béyjing merkizi hökümitining xongkong waliysi namzatlirini belgilep béridighanliqigha qarshi chiqip, namayish qilghan. Ular 2017-yilidiki saylamda xongkongluqlarning öz waliysini özi saylap chiqish telipini otturigha qoyup, hökümet bilen sözlishishni telep qilghan. Biraq, ularning bu telipi jawabsiz qalduruldi. Saqchi da'iriliri 15-dékabir küni barliq chédirlarni tazilap, namayishni mejburiy ayaghlashturghan idi.

Toluq bet