Xongkongda xitayning asasiy qanun özgertishige qarshi namayish boldi

Muxbirimiz ümidwar
2018-03-04
Élxet
Pikir
Share
Print

Xitayning 13-nöwetlik memliketlik siyasiy kéngishining birinchi qétimliq yighini béyjingda bashlan'ghan bolup, xitayning asasi qanunigha tüzitish kirgüzüsh, yeni dölet re'isining wezipe ötesh qétim sanining bikar qilinishni qarar qilmaqchi bolush xelq'araliq ghulghulilarni qozghawatqanda, xongkongda naraziliq namayishi ötküzüldi.

4-Mart küni xongkongdiki bir qisim démokratik partiye we ammiwi teshkilat wekilliri béyjingning xongkongda turushluq ish béjirish orni aldida yighilish ötküzüp, xitay hökümitining dölet re'isining wezipe ötesh cheklimisini bikar qilishi we shexsiy ilahlashturushqa qarshi meydanini bildürgen. 

Amérika awazining xewer qilishiche, mezkur naraziliq pa'aliyitini teshkilligüchi guruhlardin "Xongkong ahalilirining wetenperwerler we démokratlarni qollash birleshmisi" bilen "Xongkong sotsiyal démokratlar ittipaqi" qatarliqlarning mes'ulliri söz qilip, mustebitlikni tügitishni, xelq qurultiyi wekillirining yighinda asasiy qanun özgertishke qarshi bélet tashlishini telep qilghan. Gerche, namayishchilarning sani bek köp bolmisimu, emma ular qollirida "Shexsini ilahlashturushqa qarshi turayli", "Mustebitlikni tirildürüshke qarshi turayli" dégendek türlük plakatlarni kötürüp we shu xildiki sho'arlarni towlap, xongkong xelqining arzusini ipadiligen.

Namayishchilar özlirining xitaydiki mustebitlikning küchiyishige egiship, béyjingning "Bir dölette ikki xil tüzüm", "Xongkongluqlar xongkongni idare qilish" qatarliq wediliridin yéniwélish endishilirini bildürüshken.

Toluq bet