Xoten wilayitide yene 327 neper kadir bir terep qilin'ghan

Muxbirimiz irade
2017-04-20
Élxet
Pikir
Share
Print

Xoten gézitining charshenbe künidiki xewiridin qarighanda, xoten wilayitide yene 327 neper kadirning mes'uliyiti sürüshtürülüp bir terep qilin'ghan. Xewerde, yuqiridiki bu kadirlarning xizmet istilida mesile barliqi, xizmitide saxtipezlik qilghanliqi, qanun'gha we partiye intizamigha xilapliq qilghanliqi ilgiri sürülgen bolup, bu tekshürüsh xizmiti xoten wilayetlik muqimliq xizmitini tekshürüsh hey'iti yétekchilikidiki bir guruppa teripidin élip bérilghan iken.

Chet'ellerdiki Uyghur közetküchiler bu nuqtini nezerde tutqanda yuqiridiki bu kadirlarning asasen Uyghur élining muqimliq xizmetlirini ishleshtiki pozitsiyisi seweblik bir terep qilin'ghanliqini bildürmekte.

Xoten wilayiti téxi bu heptining béshidila 14 kadirni muqimliqni saqlash xizmitide aktip bolmidi dégen seweb bilen xizmitidin qaldurup qanun organlirining bir terep qilishigha tapshurup bergen. Bu ayning béshida yene 97 neper kadirnimu oxshash seweb bilen eyiblep, ularning tizimlikini élan qilghan idi.

Chén chüen'go Uyghur élige kelgendin buyan partiyelik kadirlar ichidin "Ikkiyüzlimichi" shexslerni tépish heqqidiki chaqiriqigha asasen yürgüzülüwatqan bu siyasetler közetküchilerning diqqitini qozghimaqta.

Toluq bet