Хотән садиқават кәнтиниң аманлиқ мудири гөрүгә тутувелинған

Мухбиримиз әркин
2015-03-23
Елхәт
Пикир
Share
Принт

9-Март сәһәрдә, хотән наһийәсиниң бағчи йезисиға қарашлиқ садиқават кәнтиниң аманлиқ мудири имин мәмтимин намәлум кишиләр тәрипидин гөрүгә тутувелинған. Нөвәттә, хитай аманлиқ даирилири мәзкур наһийәдә кәң көләмлик ахтуруш елип берип, имин мәмтиминниң из-дерикини вә гөрүгә алғучиларни издимәктикән.

Һөкүмәт даирилири гөрүгә алғучиларниң кимлики вә уларниң аманлиқ мудирини гөрүгә елиштики муддиаси һәққә һечқандақ чүшәнчә бәрмигән болсиму, бирақ әһвалдин хәвәрдар мәнбәләр аманлиқ хадимини гөрүгә алғучиларниң «пидаийлар» икәнликини илгири сүрди.

Йәрлик даириләрниң билдүрүшичә, имин мәмтимин бәк актип болғачқа, у йеқинда кәнт аманлиқ мудирлиқиға өстүрүлгән. Йәрлик даириләр йәнә, 9‏-март таң сәһәрдә йүзи ниқаблиқ 4 киши имин мәмтиминниң өйигә бастуруп кирип, уни гөрүгә тутуп кәткәнликини билдүрди.

Д у қ баянатчиси дилшат ришитниң илгири сүрүшичә, нөвәттә хитай һөкүмитиниң уйғурларға қаратқан қаттиқ диний вә сиясий бастуруши уйғурларни қаршилиққа мәҗбурлиған. У, уйғурларниң хитай билән һәмкарлашқан йәрлик актипларға зәрбә бериш арқилиқ өзиниң наразилиқини ипадиләватқанлиқини билдүрүп, хитай һөкүмитини сияситини дәрһал өзгәртишкә, хәлқниң һоқуқини дәпсәндә қилишқа қатнашқан әмәлдар вә хадимларниң җавабкарлиқини сүрүштүрүшкә чақирди.

Пикирләр (0)
Share
Толуқ бәт