Хотән вилайити тәвәсидики иккинчи наһийә дәриҗилик шәһәр дуняға кәлтүрүлди

Мухбиримиз үмидвар
2016-02-28
Елхәт
Пикир
Share
Принт

Ишләп чиқириш қурулуш армийисиниң башқурушида уйғур дияриниң җәнубида йәнә бир наһийә дәриҗилик шәһәр рәсмий қурулуп вивиска асти.

Қурумқаш дәп аталған бу шәһәр ишләпчиқириш қурулуш армийисиниң хотән вилайитигә орунлаштурулған 14 - дивизийә,224 - полкида қурулған болуп, бу хотән шәһиридин 70 километир йирақлиққа җайлишип, хотән вилайитидики қарақаш, гума вә чира наһийилириниң тәвәликлири билән тутушидикән. Мәмурий башқуруш җәһәттин 14 - дивизийә 224 - полки, 47 - полки вә гума деһқанчилиқ вә чарвичилиқ мәйдани қатарлиқларни өз ичигә алидикән.

«Хәлқ тори», «тәңритағ тори» вә башқа аммиви ахбарат васитилириниң хәвиридин мәлум болушичә, 26 - феврал күни224 - полк мәркизи җайлашқан районда шәһәрниң қурулғанлиқини җакарлаш мурасими өткүзүлүп, шәһәрниң йопуқи ечилған.

Қурумқаш шәһирини қурушни бу йил 7 - январ күни хитай дөләт ишлири кабинети қарар қилғандин кейин,2 - феврал күни уйғур аптоном районлуқ һөкүмәт тәстиқлиған.

Мәлум болушичә, қурумқаш шәһири 1949 - йили уйғур дияриға киргән хитай азадлиқ армийәсиниң бир қисими асасида қурулған ишләпчиқириш қурулуш армийиси контроллуқидики тоққуз шәһәрниң бири һесаблинидикән.

Хитай ахбарат васитилириниң хәвиридә ейтилишичә, шинҗаң уйғур аптоном районлуқ һөкүмәт қурумқаш шәһириниң ишләпчиқириш - қурулуш армийиси 14 - дивизийәсиниң конкрет башқурушида болушиға қошулған.

Хәвәрдә ейтилишичә. Шәһәр нопусини 2030 - йилиғичә 170 миңдин 200 миңға йәткүзүш пиланланған.

Пикирләр (0)
Share
Толуқ бәт