Xu'awéy shirkitining en'gliyede 5G téxnikasini kéngeytishi Uyghurlar mesilisi tüpeylidin cheklimige uchrimaqta

Muxbirimiz eziz
2019-12-24
Élxet
Pikir
Share
Print

Yéqinda en'gliye parlamént ezaliridin on nechche kishi en'gliye tashqi ishlar wazaritige birleshme mektup yollap, "Shinjangdiki éghir weziyetke baghlinishliq bolghan xu'awéy shirkitining dölitimizdiki 5G téxnikasi qurulushigha qatnishishini cheklesh lazim," dep körsetti.

"Jenubiy xitay etigenlik géziti" ning 24-dékabirdiki xewiride éytilishiche, birleshme mektupta "Shinjangdiki kishilik hoquq depsendichiliki toluq hel bolmighuche en'gliye hökümiti xu'awéy shirkiti bilen héchqandaq iqtisadiy mu'amilide bolmasliqi lazim," dep alahide körsitilgen. Emgek partiyesidin bolghan parlamént ezasi sarah chémpiyon bu heqte söz qilip "Shinjangdiki Uyghurlar duch kéliwatqan zulumgha bu shirketning qaysi derijide shérik boluwatqanliqi heqqide köpligen gep-sözler boluwatqanda dunyaning közi bizge tikiliwatidu," dégen.

Melum bolushiche, xu'awéy shirkiti yéqindin buyan en'gliye, gérmaniye we italiyede 5G téxnikasini kéngeytish bilen jiddiy meshghul bolmaqta iken. En'gliyede otturigha chiqqan bu xil qarshiliqning yawropadiki bashqa döletlerge qandaq tesir körsitishi heqqide hazir türlük texminler otturigha chiqmaqta iken.

Toluq bet