Уйғур райониниң сабиқ әмәлдари яң гаң еғир интизамсизлиқ җинайити билән тәкшүрүлмәктә

Мухбиримиз қутлан
2013-12-27
Елхәт
Пикир
Share
Принт

Хитайда чиқидиған «сумурғ» хәвәр ториниң ашкарилишичә, уйғур аптоном райониниң сабиқ муавин секретари вә сабиқ биринчи муавин рәиси яң гаң «еғир интизамсизлиқ вә қанунсизлиқ» җинайити билән тәкшүрүлмәктә икән.

2009-Йилидики «5-июл вәқәси» дин кейин ваң лечвән билән биллә мәркәзгә йөткилип, хитай дөләт сүпәт тәкшүрүш идарисиниң муавин башлиқи, хитай мәмликәтлик сиясий кеңәш иқтисадий комитетиниң муавин мудирлиқ вәзипилирини артқузиватқан яң гаңниң тәкшүрүлүши көзәткүчиләрниң диққитини қозғимақта икән.

Мәлум болушичә, яң гаң ишләпчиқириш-қурулуш армийисидин өсүп чиққан вә уйғур аптоном районида узақ мәзгил муһим һоқуқларни тутқан юқири дәриҗилик хитай әмәлдари икән. Униң ваң лечвән билән болған мунасивити пәвқуладдә йеқин болуп, һоқуқиниң пәләмпәйсиман өсүш мәзгилиму ваң лечвәнниң уйғур райониға һөкүмранлиқ қиливатқан вақитлириға тоғра келидикән.

Әслидә уйғур елигә җайлашқан ишләпчиқириш-қурулуш армийисидин өскән яң гаң 1990-йиллардин башлап турпан вилайити, үрүмчи шәһири, үрүмчи-санҗи парткоми қатарлиқ орунларға баш секретар, кейинчә ваң лечвәнниң йөлиши билән аптоном районлуқ парткомниң даимий һәйити, муавин секретари вә аптоном районниң биринчи муавин рәиси қатарлиқ вәзипиләрни өтигән.

Пикирләр (0)
Share
Толуқ бәт