Uyghur rayonining sabiq emeldari yang gang éghir intizamsizliq jinayiti bilen tekshürülmekte

Muxbirimiz qutlan
2013-12-27
Élxet
Pikir
Share
Print

Xitayda chiqidighan "Sumurgh" xewer torining ashkarilishiche, Uyghur aptonom rayonining sabiq mu'awin sékrétari we sabiq birinchi mu'awin re'isi yang gang "Éghir intizamsizliq we qanunsizliq" jinayiti bilen tekshürülmekte iken.

2009-Yilidiki "5-Iyul weqesi" din kéyin wang léchwen bilen bille merkezge yötkilip, xitay dölet süpet tekshürüsh idarisining mu'awin bashliqi, xitay memliketlik siyasiy kéngesh iqtisadiy komitétining mu'awin mudirliq wezipilirini artquziwatqan yang gangning tekshürülüshi közetküchilerning diqqitini qozghimaqta iken.

Melum bolushiche, yang gang ishlepchiqirish-qurulush armiyisidin ösüp chiqqan we Uyghur aptonom rayonida uzaq mezgil muhim hoquqlarni tutqan yuqiri derijilik xitay emeldari iken. Uning wang léchwen bilen bolghan munasiwiti pewqul'adde yéqin bolup, hoquqining pelempeysiman ösüsh mezgilimu wang léchwenning Uyghur rayonigha hökümranliq qiliwatqan waqitlirigha toghra kélidiken.

Eslide Uyghur élige jaylashqan ishlepchiqirish-qurulush armiyisidin ösken yang gang 1990-yillardin bashlap turpan wilayiti, ürümchi shehiri, ürümchi-sanji partkomi qatarliq orunlargha bash sékrétar, kéyinche wang léchwenning yölishi bilen aptonom rayonluq partkomning da'imiy hey'iti, mu'awin sékrétari we aptonom rayonning birinchi mu'awin re'isi qatarliq wezipilerni ötigen.

Toluq bet