Xitay axbarat wasitiliri hökümetni yaponiye ayropilanlirigha qarshi tedbir élishqa chaqirdi

Muxbirimiz erkin
2013-11-29
Élxet
Pikir
Share
Print

Xitay hökümet axbarati jüme küni eger yaponiye xitayning hawa mudapi'e kimlik rayonigha kirse, hökümetni ikkilenmey mudaxile qilishqa chaqirdi.

Xitay "Yershari waqti géziti" jüme küni bash maqale élan qilip: "Yaponiye junggo yéqinda élan qilghan hawa mudapi'e kimlik rayonigha riqabet élan qilsa, biz ikkilenmey uninggha qarshi derhal tedbir élishimiz kérek" dégen we xitayning herbiy ayropilan chiqirip, yaponiye ayropilanlirini tosushni telep qilghan.

Xitay yéqinda sénkaku arallirini öz ichige alghan sherqiy déngiz hawa boshluqini özining hawa mudapi'e kimlik rayoni élan qilghan.

Biraq, yaponiye, jenubiy koréye buni étirap qilmaydighanliqini bildürgen. Amérika seyshenbe küni özining ikki b-52 tipliq istratégiyilik bombardimanchi ayropilanini bu rayonda uchurghan. Xitay shu waqitning özide héchqandaq tiwish chiqarmighan idi.

U peyshenbe küni urush ayropilanlirining charlash élip barghanliqini élan qilip, tedbir alghanliqini bildürgen bolsimu, biraq néme üchün shu waqitning özide inkas qayturmighanliqigha chüshenche bermigen.

Yaponiye "Yumi'uri shinbon géziti" ning xewer qilishiche, amérika bilen yaponiye rayonda herbiy hemkarliqni kücheytishke kélishken.

Jüme küni yene xitayni yawropa ittipaqi tenqid qildi. Yawropa ittipaqi tashqi ishlar komissari ketérn eshton, xitayning herikiti "Rayonda jiddiylikni kücheytishke türtke bolghanliqi" ni bildürgen.

Toluq bet