Яврупадики йәһудий яшлири уйғурларға йүргүзүливатқан мәдәнийәт қирғинчилиқиға қарши һәрикәткә өтти

Мухбиримиз ирадә
2020-02-05
Елхәт
Пикир
Share
Принт

Яврупаниң һәрқайси җайлиридики йәһудий яшлири уйғурларға йүргүзүливатқан мәдәнийәт қирғинчилиқини аяқлаштуруш үчүн һәрикәткә өтти.

Яврупадики йәһудий яшлириға вәкиллик қилидиған «яврупа иттипақи йәһудий оқуғучилар уюшмиси», «германийә йәһудий оқуғучилар уюшмиси» вә «әнгилийә йәһудий оқуғучилар уюшмииси» қатарлиқ тәшкилатлар 4-феврал күни ортақ баянат елан қилип, хитай һөкүмитиниң уйғурларға йүргүзүватқан мәдәнийәт қирғинчилиқини әйибләш билән биргә һәрқайси дөләтләрниң бу мәсилигә йетәрлик инкас қайтурмиғанлиқини тәнқид қилған. 

Улар «яврупа йәһудийлар қурултийи» ниң тор бетидә елан қилған баянатида һазир уйғур елида 3 милюн әтрапида уйғур вә башқа йәрлик мусулман милләтләрниң лагерға қамалғанлиқини, тарихта ерқий қирғинчилиқ вә дөләтсизликниң дәрдини йәткүчә тартқан бир милләтниң яшлири болуш сүпити билән йәһудий яшлириниң һәргиз бу әсирдә йүз бериватқан бу қирғинчилиққа қарап туралмайдиғанлиқини әскәрткән. 

Улар баянатида яврупа иттипақидики сиясәт бәлгүчиләрни уйғурлар үчүн һәрикәткә өтүшкә, тарихтики әйни хаталиқни садир қилип, йәһудийларға йүргүзүлгән ерқий қирғинчилиқниң қайта садир болушиға йол қоймаслиққа чақирған. 

Юқириқи бу йәһудий яшлири баянатида йәнә өзлириниң бундин кейин мәркизи германийәдики дуня уйғур қурултийи билән йеқиндин һәмкарлишип, уйғурлар үчүн паал һәрикәткә өтидиғанлиқини билдүргән.

Пикирләр (0)
Share
Толуқ бәт