Хитай йәмәндики хитай пуқралирини тарқақлаштурушқа башлиди

Мухбиримиз қутлан
2015-03-30
Елхәт
Пикир
Share
Принт

Шинхуа тори вә хәлқардики таратқуларниң 30-март хәвиригә қариғанда, хитай һөкүмити йәмәндики хитай пуқралирини җиддий һалда тарқақлаштуруш ишини елип бармақтикән.

Сәуди әрәбистан қатарлиқ сүнний мәзһипидики 9 дөләт өткән һәптидин башлап йәмән пайтәхти санани контрол қиливалған шиә мәзһипидики хоси қораллиқ күчлиригә шиддәтлик һава һуҗуми башлиған. Буниң билән йәмәнниң вәзийити бирдинла җиддийлишип кәткән.

Мәлум болушичә, хитай муһапизәтчи парахоти һинди окяндин дәрһал қизил деңизиға кирип, йәмәндики хитай пуқралирини қайтуруп кетишкә тутуш қилған.

Хитай ташқи ишлар министирлиқиниң баянатчиси хва чүнйиң бу һәқтә баянат берип, һазирғичә 571 нәпәр хитай пуқрасиниң йәмәндин җибутиға көчүрүлгәнликини вә бу йәрдин парахот арқилиқ мәмликитигә қайтурулидиғанлиқини илгири сүргән.

Бирләшкән дөләтләр тәшкилатиниң хәвпсизлик кеңиши йәмәндики һәрқайси тәрәпләрниң б д т ниң тоқунушни һәл қилиш чарисигә әмәл қилишни тәләп қилған.

Йәмәндики ички уруш өткән йилидин башлап иран қоллаватқан шиә мәзһипидики хоси қораллиқ күчлириниң йәмән пайтәхти санани ишғал қилиши билән омумйүзлүк әвҗигә көтүрүлгән.

Пикирләр (0)
Share
Толуқ бәт