Xitay yemendiki xitay puqralirini tarqaqlashturushqa bashlidi

Muxbirimiz qutlan
2015-03-30
Élxet
Pikir
Share
Print

Shinxu'a tori we xelq'ardiki taratqularning 30-mart xewirige qarighanda, xitay hökümiti yemendiki xitay puqralirini jiddiy halda tarqaqlashturush ishini élip barmaqtiken.

Se'udi erebistan qatarliq sünniy mezhipidiki 9 dölet ötken heptidin bashlap yemen paytexti sanani kontrol qiliwalghan shi'e mezhipidiki xosi qoralliq küchlirige shiddetlik hawa hujumi bashlighan. Buning bilen yemenning weziyiti birdinla jiddiyliship ketken.

Melum bolushiche, xitay muhapizetchi paraxoti hindi okyandin derhal qizil déngizigha kirip, yemendiki xitay puqralirini qayturup kétishke tutush qilghan.

Xitay tashqi ishlar ministirliqining bayanatchisi xwa chünying bu heqte bayanat bérip, hazirghiche 571 neper xitay puqrasining yemendin jibutigha köchürülgenlikini we bu yerdin paraxot arqiliq memlikitige qayturulidighanliqini ilgiri sürgen.

Birleshken döletler teshkilatining xewpsizlik kéngishi yemendiki herqaysi tereplerning b d t ning toqunushni hel qilish charisige emel qilishni telep qilghan.

Yemendiki ichki urush ötken yilidin bashlap iran qollawatqan shi'e mezhipidiki xosi qoralliq küchlirining yemen paytexti sanani ishghal qilishi bilen omumyüzlük ewjige kötürülgen.

Toluq bet