Guma nahiyisidiki 6.5 Bal yer tewreshte deslepki qedemde 6 adem ölgenliki melum boldi

Muxbirimiz méhriban
2015-07-03
Élxet
Pikir
Share
Print

Xitay metbu'atlirining xewiridin melum bolushiche 3-iyul ürümchi waqti etigen sa'et 7 din 7 minut ötkende xotenning guma nahiyiside 6.5 Bal yer tewrigen. Shinxu'a agéntliqining xewiride xitay yer tewreshni közitish idarisining xewiri neqil élinip, "3-Iyul ürümchi waqti sa'et 7 de xoten wilayiti guma nahiyiside 6.5 Bal yer tewrigen, tewresh menbesining chongqurluqi 10 kilométir" dégen bayanlar bérildi.

Melum bolushiche gumida 6.5 Bal yer tewreshtin kéyin yene 3 baldin yuqiri 4.5 Baldin töwen birqanche qétimliq qalduq yer tewresh yüz bergen. Xitayning shinxu'a agéntliqi deslepki tekshürüshte öy örülüsh, yarinish ehwalining yüz bergenlikini, 6 ademning ölgenlikini élan qildi. Xitay xewiride yene, yer tewreshning tesiride xoten, qeshqer tomur yol bölikide tewresh sézimi bir qeder küchlük bolghanliqi, qismen wogzallardiki öy we esliheler yénik derijide buzulghanliqi, hemde tomur yol qatnishining bu rayonda waqitliq toxtitilghanliqi tilgha élin'ghan.

Radi'omizgha kelgen inkaslardin gumidiki yer tewreshte yarilan'ghan we öy-makani talapetke uchrighanlarning zor köpchiliki Uyghurlar ikenliki melum boldi. Biz bundin kéyinki programmilirimizda gumida yüz bergen yer tewresh apiti heqqide yenimu ilgirilep melumat bérishke tirishimiz.

Toluq bet