Қизилсуниң ақту наһийисидә 6.5 Бал йәр тәвриди

Мухбиримиз әркин
2016-11-25
Елхәт
Пикир
Share
Принт

Қизилсу областиниң ақту наһийәисидә җүмә күни кәчтә қаттиқ йәр тәвриди. Хитай геологийә тәкшүрүш даирилири тәврәш күчини 7.6 Бал дәп елан қилди. Әмма, америка геологийә тәкшүрүш орниниң мәлуматида көрситишичә, тәврәш күчи 5.6 Бал болуши мумкин.

Йәр тәврәш қәшқәргә тәсир қилған. Ақту қәшқәрниң тәхминән 170 километир ғәрбигә тоғра келиду. Америка геологийә тәкшүрүш орниниң билдүрүшичә, йәр тәврәш мәркизи таҗикистан чеграсиға йеқин җайда икән. Тәврәш мәркизиниң чоңқурлуқи 12 километир болуп, бу бәк чоңқур һесабланмайдикән.

Мутәхәссисләрниң билдүрүшичә, йәр тәврәш мәркизи қанчә тейиз болса, униң аһалиләр райониға елип келидиған бузғунчилиқ күчи шунчилик чоң болидикән. Лекин җүмә күнки йәр тәврәш кәлтүрүп чиқарған өлүм -йетим вә бузғунчилиқ тоғрилиқ һазирға қәдәр тәпсилий мәлумат йоқ.

Мәлум болушичә, ақтуниң муҗи йезиси йәр тәврәш мәркизигә җайлашқан болуп, мәзкур йезиниң көлими 10 миң квадрат километир, 4миңдин артуқ нопуси бар, қирғизлар олтурушлуқ йеза икән. Қизилсу областлиқ һөкүмәтниң 2014‏-йили елан қилған санлиқ статистикисида, бу йезидики ат, қой, кала, қотаз, төгә қатарлиқ һәрхил чоң-кичик баш чарва мал 70 миң дәп елан қилинған.

Бу қетимқи йәр тәврәшниң тәврәш мәркизи тейиз, бузғунчилиқ күчи қаттиқ болуш еһтимали болсиму, әмма уйғур аптоном районлуқ һөкүмәт 3‏-дәриҗилик инкас қайтуруш механизмини ишқа салған.

Пикирләр (0)
Share
Толуқ бәт