Гума сот мәһкимиси 3 йеза әмәлдарини «хизмәттә бипәрвалиқ қилиш җинайити» билән әйиблигән

Мухбиримиз шөһрәт һошур
2016-12-28
Елхәт
Пикир
Share
Принт

Шинҗаң гезитиниң бүгүнки бир хәвиридә баян қилишичә, гума наһийилик сот мәһкимиси йеқинда көктерәк базарлиқ парткомниң секретари яң җеңфең, муавин секретари әркин мәхмут вә қумкөл кәнтиниң секретари розимәмәт мәһмутни хиянәтчилик қатарлиқ бир қатар җинайәтләр билән бирликтә «хизмәттә бипәрвалиқ қилиш җинайити» биләнму әйибләп 20 йиллиқтин қамаққа һөкүм қилған.

Хәвәрдә йәнә, розимәмәт мәһмутниң қанат астиға елиш җинайити өткүзгәнликиму тилға елинған. Әмма, уларниң конкрет қайси хизмәттә, қандақ бипәрвалиқ қилғанлиқи яки кимләрни қанат астиға алғанлиқи тилға елинмиған.

Муһаҗирәттики уйғур көзәткүчиләрдин учқунҗан әпәндиниң қаришичә, хитайда һазирға қәдәр хизмәттә бипәрвалиқ қилиш, бир интизам хаталиқи сүпитидә тәнқидлинип кәлгән, әмма җинайәт категорийәсигә киргүзүлмигән.

Хәвәрләрдин мәлум болушичә, өткән үч йилда хитайға қарши шиддәтлик вәқәләр гума наһийисидә әң көп йүз бәргән. Зилзилә пәйда қилған 22-май үрүмчи әтигәнлик базарға һуҗум қилиш вәқәсиму көктерәккә тәвә гумандарлар тәрипидин елип берилған. Мана бу реаллиқни көздә тутқан учқунҗан әпәнди, мәзкур делода тилға елинған «хизмәттә бипәрвалиқ қилиш җинайити» әйиблимисиниң гума наһийисиниң сиясий вәзийити билән четишлиқ болуш еһтималлиқини илгири сүрди.

Пикирләр (0)
Share
Толуқ бәт