Guma sot mehkimisi 3 yéza emeldarini "Xizmette biperwaliq qilish jinayiti" bilen eyibligen

Muxbirimiz shöhret hoshur
2016-12-28
Élxet
Pikir
Share
Print

Shinjang gézitining bügünki bir xewiride bayan qilishiche, guma nahiyilik sot mehkimisi yéqinda köktérek bazarliq partkomning sékrétari yang jéngféng, mu'awin sékrétari erkin mexmut we qumköl kentining sékrétari rozimemet mehmutni xiyanetchilik qatarliq bir qatar jinayetler bilen birlikte "Xizmette biperwaliq qilish jinayiti" bilenmu eyiblep 20 yilliqtin qamaqqa höküm qilghan.

Xewerde yene, rozimemet mehmutning qanat astigha élish jinayiti ötküzgenlikimu tilgha élin'ghan. Emma, ularning konkrét qaysi xizmette, qandaq biperwaliq qilghanliqi yaki kimlerni qanat astigha alghanliqi tilgha élinmighan.

Muhajirettiki Uyghur közetküchilerdin uchqunjan ependining qarishiche, xitayda hazirgha qeder xizmette biperwaliq qilish, bir intizam xataliqi süpitide tenqidlinip kelgen, emma jinayet katégoriyesige kirgüzülmigen.

Xewerlerdin melum bolushiche, ötken üch yilda xitaygha qarshi shiddetlik weqeler guma nahiyiside eng köp yüz bergen. Zilzile peyda qilghan 22-may ürümchi etigenlik bazargha hujum qilish weqesimu köktérekke tewe gumandarlar teripidin élip bérilghan. Mana bu ré'alliqni közde tutqan uchqunjan ependi, mezkur déloda tilgha élin'ghan "Xizmette biperwaliq qilish jinayiti" eyiblimisining guma nahiyisining siyasiy weziyiti bilen chétishliq bolush éhtimalliqini ilgiri sürdi.

Toluq bet