Rik skot: xitay amérikaning korona wirusi waksina tetqiqatigha buzghunchiliq qiliwatidu

Muxbirimiz jüm
2020-06-07
Élxet
Pikir
Share
Print
Amérika kéngesh palatasi ezasi rik skot.
Amérika kéngesh palatasi ezasi rik skot.
Social Media

Amérika kéngesh palatasi ezasi rik skot xitayning amérikaning korona wirusining waksinasini yasap chiqish ishlirigha buzghunchiliq qiliwatqanliqini bildürdi.

U yekshenbe küni b b s ning ziyaritini qobul qilghanda, xitayning amérikaning korona wirusi waksinasi yashash xizmitini aqsitip qoyush we uninggha buzghunchiliq qilish qilmishlirida boluwatqanliqi hemde buninggha a'it delil ispatlarning barliqini bildürdi.

U mundaq dédi: "Biz bu waksinini choqum yasap chiqimiz. Halbuki, kommunist xitay bizge ziyankeshlik qilishqa yaki ishlirimizni aqsitishqa urunuwatidu. Qolimizda ispat bar. Xitay bizning buni tunji bolup yasap chishimizni xalimaydu. Ular amérika we dunya miqyasidiki démokratiyening düshmini bolushni tallidi."

U xitayning buzghunchiliq qilmishlirigha a'it ispatlar heqqidiki so'allargha jawab bérip buning amérika istixbarat tarmaqliridin kelgenlikni bildürdi.

Amérika da'iriliri ötken ayda xitaygha munasiwetlik torbuzarlarning (xakkérlarning) amérikining korona wirusigha qarshi waksina, dawalash we di'agnoz tetqiqati bilen shughulliniwatqan organlirigha hujum qilghanliqini éytqan.

Xitayning wuxen shehiridin tarqalghan korona wirusi 6-iyun'ghiche dunya boyiche 6 milyon 731 ming 793 ademni yuqumlandurghan, 393 ming 721 ademning jénigha zamin bolghan.

Mezkur wirus seweblik nurghun döletler soda we sana'et ishlepchiqirishini toxtitishqa mejbur bolghan.

Amérika we en'gliyeni öz bir nechche dölet korona wirusigha qarshi waksina ishlepchiqirishqa tutun'ghan we deslepki qedemde körünerlik netijilerni qolgha keltürgen idi.

Rik skot sözini dawam qilip mundaq dédi: "Iqtisadimizni eslige keltürüsh üchün bu waksina hemmeylen'ge birdek muhim. Meyli en'gliye we meyli biz bashta yasap chiqayli, biz buni bir-birimiz bilen ortaqlishimiz. Emma kommunist xitay undaq qilmaydu."

Toluq bet