Сидней технологийә университетида уйғурларниң әһвали тонуштурулди

Ихтиярий мухбиримиз учқун
2019-08-26
Елхәт
Пикир
Share
Принт
Сидней технологийә университетида ечилған «кишилик һоқуқ мунбири: хитайдики қайта тәрбийәләш лагерлирини паш қилиш» темисидики йиғинда австралийә шәрқий түркистан җәмийитиниң рәиси нурмәмәт түркистани әпәнди сөзлимәктә. 2019-Йили 22-авғуст, австралийә.
Сидней технологийә университетида ечилған «кишилик һоқуқ мунбири: хитайдики қайта тәрбийәләш лагерлирини паш қилиш» темисидики йиғинда австралийә шәрқий түркистан җәмийитиниң рәиси нурмәмәт түркистани әпәнди сөзлимәктә. 2019-Йили 22-авғуст, австралийә.
RFA/Uchqun

8-Айниң 22-күни австралийәдики сидней технологийә университетида «кишилик һоқуқ мунбири: хитайдики қайта тәрбийәләш лагерлирини паш қилиш» темисида доклат бериш йиғини ечилди. Бу йиғинни сидней технологийә университетиниң «инсанийәт үчүн истудентлар» гурупписи уюштурған болуп, мәзкур йиғинға қатнашқан австиралийә уйғур җәмийитиниң баш катипи бәхтияр бөрә әпәндим йиғин һәққидә мәлумат берип, мәзкур йиғинда уйғурларниң нөвәттики вәзийитиниңму тонуштурулғанлиқини баян қилип өтти.

Бәхтияр әпәндим йәнә мундақ деди: «бу паалийәткә 70 тәк оқуғучи қатнашти, улар бу паалийәт арқилиқ уйғурларниң бүгүнки вәзийитидин хәвәрдар болди.»

Йиғинда уйғур қизи сүбһи бөрә доклат бәргән. У өзиниң доклатида хитайниң юқири техникилиқ мәһсулатлирини уйғур елидә синақ қилиш арқилиқ пуқраларниң әркинликини боғуватқанлиқи һәққидә тохтилип, мундақ деди: «хитай өзиниң юқири техникилиқ мәһсулатлирини шәрқий түркистанда синақ қилиш, тәҗрибә қилиш арқилиқ бир тәрәптин өзиниң хәлқара базардики риқабитини ашурса, йәнә бир тәрәптин юқири техникилиқ мәһсулатлири арқилиқ өз хәлқиниң әркинликини боғушни давамлаштурмақта.»

Мәзкур йиғинда австралийә шәрқий түркистан җәмийитиниң рәиси нурмәмәт түркистани әпәндимму доклат бәргән болуп, у өзиниң доклати һәққидә тохтилип мундақ деди: «мән бу қетимлиқ доклатимни хәлқаралиқ тәшкилатларниң әң йеңи хәвәрлиридин пайдилинип тәйярлидим вә вәтәндики әһвалларға тәтбиқлап аңлиғучиларға сундум.»

Нурмәмәт әпәндим йәнә мәзкур паалийәттә б б с ниң уйғурлар һәққидә ишлигән әң йеңи программисиниң қуюлғанлиқини тилға елип, мундақ деди: «мәзкур паалийәттә б б с ниң уйғурлар һәққидә ишлигән әң йеңи программиси қоюлди, сиднейда яшаватқан сиңлимиз сүбһи бөрә өзиниң вәтәндики көргәнлиригә асасән көз қарашлирини баян қилип өтти.»

Нурмәмәт әпәндим йәнә сидней технологийә университетида өткүзүлгән бу паалийәтниң әһмийити һәққидә тохтилип, мундақ деди: «сидней технологийә университети хитай оқуғучилири көп оқуйдиған университетларниң бири. Мушундақ бир университетта уйғурлар һәққидә доклат бериш йиғининиң уюштурулуши биз үчүн муһим әһмийәткә игә дәп қараймән.»

Пикирләр (0)
Share
Толуқ бәт