Sidnéy téxnologiye uniwérsitétida Uyghurlarning ehwali tonushturuldi

Ixtiyariy muxbirimiz uchqun
2019-08-26
Élxet
Pikir
Share
Print
Sidnéy téxnologiye uniwérsitétida échilghan "Kishilik hoquq munbiri: xitaydiki qayta terbiyelesh lagérlirini pash qilish" témisidiki yighinda awstraliye sherqiy türkistan jem'iyitining re'isi nurmemet türkistani ependi sözlimekte. 2019-Yili 22-awghust, awstraliye.
Sidnéy téxnologiye uniwérsitétida échilghan "Kishilik hoquq munbiri: xitaydiki qayta terbiyelesh lagérlirini pash qilish" témisidiki yighinda awstraliye sherqiy türkistan jem'iyitining re'isi nurmemet türkistani ependi sözlimekte. 2019-Yili 22-awghust, awstraliye.
RFA/Uchqun

8-Ayning 22-küni awstraliyediki sidnéy téxnologiye uniwérsitétida "Kishilik hoquq munbiri: xitaydiki qayta terbiyelesh lagérlirini pash qilish" témisida doklat bérish yighini échildi. Bu yighinni sidnéy téxnologiye uniwérsitétining "Insaniyet üchün istudéntlar" guruppisi uyushturghan bolup, mezkur yighin'gha qatnashqan awstiraliye Uyghur jem'iyitining bash katipi bextiyar böre ependim yighin heqqide melumat bérip, mezkur yighinda Uyghurlarning nöwettiki weziyitiningmu tonushturulghanliqini bayan qilip ötti.

Bextiyar ependim yene mundaq dédi: "Bu pa'aliyetke 70 tek oqughuchi qatnashti, ular bu pa'aliyet arqiliq Uyghurlarning bügünki weziyitidin xewerdar boldi."

Yighinda Uyghur qizi sübhi böre doklat bergen. U özining doklatida xitayning yuqiri téxnikiliq mehsulatlirini Uyghur élide sinaq qilish arqiliq puqralarning erkinlikini boghuwatqanliqi heqqide toxtilip, mundaq dédi: "Xitay özining yuqiri téxnikiliq mehsulatlirini sherqiy türkistanda sinaq qilish, tejribe qilish arqiliq bir tereptin özining xelq'ara bazardiki riqabitini ashursa, yene bir tereptin yuqiri téxnikiliq mehsulatliri arqiliq öz xelqining erkinlikini boghushni dawamlashturmaqta."

Mezkur yighinda awstraliye sherqiy türkistan jem'iyitining re'isi nurmemet türkistani ependimmu doklat bergen bolup, u özining doklati heqqide toxtilip mundaq dédi: "Men bu qétimliq doklatimni xelq'araliq teshkilatlarning eng yéngi xewerliridin paydilinip teyyarlidim we wetendiki ehwallargha tetbiqlap anglighuchilargha sundum."

Nurmemet ependim yene mezkur pa'aliyette b b s ning Uyghurlar heqqide ishligen eng yéngi programmisining quyulghanliqini tilgha élip, mundaq dédi: "Mezkur pa'aliyette b b s ning Uyghurlar heqqide ishligen eng yéngi programmisi qoyuldi, sidnéyda yashawatqan singlimiz sübhi böre özining wetendiki körgenlirige asasen köz qarashlirini bayan qilip ötti."

Nurmemet ependim yene sidnéy téxnologiye uniwérsitétida ötküzülgen bu pa'aliyetning ehmiyiti heqqide toxtilip, mundaq dédi: "Sidnéy téxnologiye uniwérsitéti xitay oqughuchiliri köp oquydighan uniwérsitétlarning biri. Mushundaq bir uniwérsitétta Uyghurlar heqqide doklat bérish yighinining uyushturulushi biz üchün muhim ehmiyetke ige dep qaraymen."

Toluq bet