"Yawropa sherqiy türkistan ma'arip jem'iyiti" gollandiyediki qérindash milletlerge iptar berdi

Ixtiyariy muxbirimiz pida'iy
2016-06-20
Élxet
Pikir
Share
Print
"Yawropa sherqiy türkistan ma'arip jem'iyiti" gollandiyediki qérindash milletlerge bergen iptar pa'aliyitide milliy görüsh teshkilatining gherbiy rayon mes'uli iptardin ilgiri söz qilmaqta. 2016-Yili 18-iyun, gollandiye.
"Yawropa sherqiy türkistan ma'arip jem'iyiti" gollandiyediki qérindash milletlerge bergen iptar pa'aliyitide milliy görüsh teshkilatining gherbiy rayon mes'uli iptardin ilgiri söz qilmaqta. 2016-Yili 18-iyun, gollandiye.
RFA/Pida’iy

Pa'aliyet 2016‏-yili18- iyun küni gollandiyening zeyst shehirige jaylashqan mezkur jem'iyet yéghin zalida élip bérildi. Pa'aliyetke alahide teklip bilen gollandiyediki "Milliy görüsh teshkilati", zeyst sheherlik xelq hökümitining chet'elliklerge alaqidar mes'ulliridin kast sxürén ependi, shu etraptiki türk we ereb meschitlirining wekilliri qatarliqlardin bashqa Uyghurlarmu a'ile ezaliri bilen qatnashti.

Pa'aliyet shu yer waqti sa'et 9 da qur'an kerim tilawiti bilen bashlandi. Jem'iyet mes'uli obulqasim ependi méhmanlarni qarshi élish sözi qilghandin kéyin, Uyghur diyarida boluwatqan diniy bésimlarning barghanséri éghirlawatqanliqini shikayet qilip, pütün dunya xelqining köngül bölüshige mohtajliqini ilgiri sürdi.

Gollandiyediki milliy görüsh teshkilatining gherbiy rayon mes'uli oktay dolmaz ependi, söz qilip Uyghur qérindashlirigha hésdashliq qilidighanliqini bildürüsh bilen birge؛ musulmanlargha boluwatqan bu zulumning pütün dunya miqyasidimu yüz bériwatqanliqini, buningdin omumyüzlük qutulush üchün musulmanliqta adaqqi qeder mehkem turushning lazimliqini bildürdi.

Zeyst sheherlik xelq hökümitining chet'elliklerge alaqidar bölüm wekili kast sxürén ependimu söz qilip: gollandiyede künséri köpiyiwatqan köchmenlerning öz milliy we diniy kimlikini jari qildurush heqqi barliqini؛ gollandiyening güllinishi we tereqqiyati üchün, hemmeylenning inaq-ittipaq yashishini ümid qilidighanliqini bildürdi.

Jem'iyet mes'ulliridin abduraxman qarajim barliq wetendashlirini jem'iyet teripidin tesis qilin'ghan türlük imkanlardin ortaq paydilinishqa chaqirdi we németning qedrige yétishning muhimliqini eskertti.

Ilahiy oqush we du'a qilish bilen éghiz achqan iptarchilardin beziliri ghizadin kéyin sham namizi oqup qaytishti we beziliri tang seherge qeder dawam qilghan-kéchilik pa'aliyetlerdin xupten, tarawih we te'ejjüd namizi oqush, erkin söhbetlishish, so'al-jawabliq öginish, ré'al mesililer üstide muzakirelishish we munazirlishishtek ehmiyetlik ishlarghimu toluq qatniship, sohurluq ghizadin kéyin bamdat namizi oqup qaytishti.

Pa'aliyet axirida mezkur jem'iyetning re'isi obulqasim abdul'eziz ependi pa'aliyet toghriliq tepsiliy melumat berdi.

Toluq bet