Gollandiyediki ramizanliq pa'aliyetke bélgiyediki Uyghurlarmu qatnashti

Ixtiyariy muxbirimiz pida'iy
2015-06-30
Élxet
Pikir
Share
Print
Gollandiyediki iptar we sohurluq pa'aliyitide bélgiye Uyghur jem'iyitining wekilliri iptardin kéyinki dostluq söhbitide. 2015-Yili 27-iyun.
Gollandiyediki iptar we sohurluq pa'aliyitide bélgiye Uyghur jem'iyitining wekilliri iptardin kéyinki dostluq söhbitide. 2015-Yili 27-iyun.
RFA/Pidaiy

2015‏-Yili 27‏-iyun gollandiyening zeyst shehiride ötküzülgen iptarliq we sohurluq pa'aliyitige "Bélgiye Uyghur jem'iyiti" ning mes'ulliri bilen bélgiyediki Uyghur jama'itining wekillirimu qatnashti.

Bu pa'aliyetni yawropa sherqiy türkistan ma'arip jem'iyiti teshkillidi. Pa'aliyetke gollandiyediki Uyghurlar a'ile ezaliri bilen birge ishtirak qildi. Qur'an kerim tilawiti bilen bashlinip, du'a bilen axirlashqan iptar we sohurluq pa'aliyitide Uyghurlar wetinide shéhit bolghan qérindashlirigha ghayiwane jinaze namizi oquldi. Ishtirakchilar ramizanning peziletliri we xisletlik pursetliri heqqide sawatlar aldi.

Ziyaritimizge daxil bolghanlar özining oylighanlirini radi'o anglighuchilirimiz bilen ortaqlashti.

Bélgiye Uyghur jem'iyitining mes'uli abdullam bu qétimliq ziyariti heqqide toxtilip: gollandiyediki Uyghurlarning sétiwélish aldida turghan mezkur pa'aliyet merkizining ishlirigha utuq tilesh we ramizanliq beriketlerdin birlikte behrilinish üchün kelgenlikini bildürdi we gollandiyediki barliq wetendashlirigha ramizanliq salam yollidi.

Bélgiye Uyghur jem'iyiti qurulghandin buyan 10 nechche yilliq musapiside ottura asiyadin we sherqiy türkistandin kelgen Uyghurlar arisidiki dostluqni ilgiri sürüsh üchün köp tirishchanliq körsitip kéliwatqan bolup, abdullah ependi bu xizmetlirining dawamliship turushida asasliq rol oynighan amillarning, medeniyet we qandashliqta ortaq bolghan Uyghurluq söygüsi ikenlikini tekitlidi.

Gollandiye Uyghur birliki teshkilatining mes'uli sadiqjan seley ependi bu qétimliq iptar we sohurluq pa'aliyitining yaxshi ötkenlikini delillidi.

Pa'aliyette yene yawropa sherqiy türkistan ma'arip jem'iyitining mes'uli eysa qarajim aldimizda kéliwatqan 5‏-iyul ürümchi qirghinchiliqining 6 yilliqi munasiwiti bilen ötküzülmekchi bolghan namayish pa'aliyitige ishtirak qilish heqqide küchlük tewsiyelerde boldi. Melum bolushiche, mezkur namayish pa'aliyiti 6‏-iyul gollandiyening denhax shehiride élip bérilish pilanlan'ghan.

Abdusalam niyaz ependi mezkur orunning hazir bolghanliqi üchün, bu xil pa'aliyetlerning muweppeqiyetlik we rahetlik bir shekilde élip bériliwatqanliqini éytip, yawropa sherqiy türkistan ma'arip jem'iyitining barliq aktiplirigha rehmitini bildürüp ötti.

Yawropa sherqiy türkistan ma'arip jem'iyitining mes'ulliridin hüsenjan ependi bu qétimliq pa'aliyetning bir qeder kölemlik élip bérilghanliqini we ghayiwane jinaza namizi oqulushtek terepliri bilen pursetlen'genlikini bildürdi.

Toluq bet