Gollandiyidiki Uyghurlar iptardin bashlap sohurghiche bir kéchini ibadet bilen ötküzdi

Ixtiyariy muxbirimiz pida'iy
2015-06-23
Élxet
Pikir
Share
Print
Gollandiyediki Uyghurlar iptarda
Gollandiyediki Uyghurlar iptarda
RFA/Pidaiy


Öz wetinide yashawatqan qérindashliri xitay hökümitining ramizanliq cheklimiliridin rahetsizliniwatqan bu künlerde, chet'elde yashawatqan Uyghurlar top - top jama'et bolushup ibadetlirini erkin halette dawam qilmaqta. Jümlidin gollandiyidiki Uyghurlar her yili ramizan ayliridiki pursetlirini qedirlep, ehmiyetlik pa'aliyetlirini dawam qilip kelmekte. Ular yawropa sherqiy türkistan ma'arip jem'iyitining yéteklishide, her heptide bir - ikki qétim bir yerge jem bolup, muhajirettiki erkinliktin behriman bolush bilen birge, wetendashlirini hem du'aliri bilen yad etmekte.

20 - Éyun gollandiyining zeyst shehirige jaylashqan yawropa sherqiy türkistan ma'arip jem'iyitide jem bolghan gollandiyidiki Uyghurlar, shu künlük iptardin bashlap, etisi seher sohurghiche bir kéchini ibadet bilen ötküzdi.

Pa'aliyet shu yer waqti kech sa'et 8 yérimda qur'an kerim tilawiti bilen bashlandi. Iptarchilar abdurahman qarihajimning teqdim qilishida, ramizanning peziletliridin waqiplan'ghandin kéyin, du'a bilen iptarda éghiz achti. Sham namizidin kéyin öz - ara hal mung bolushup, kéchiche xupten, tarawih, te'ejjud we wétri namizini jama'et bolup oqudi. Namaz ariliqidiki qisqa dem élishlarda so'al - jawabliq wez - nesihetlerdinmu behriman boldi. Pa'aliyet dawamida, her qétimqidek bu yerdiki erkin ibadet mohitida turup wetinide éghir cheklimilerge uchrawatqan qérindashlirini yad etti we ularning zulumdin qutulushi üchün du'alar qildi. Türmilerde xarliniwatqan mehbus qérindashlirigha tileklirini yollidi.

20 - Iyun shenbe iptardin bashlap waqitlirini ehmiyet bilen ötküzgen jama'et 21 - iyun yekshenbe seher sa'et 3 ke qeder sohurluq bilen ghizalinip, bamdat namizidin kiyin tarqilishti.

Jama'et we jem'iyetning mes'ulliri ziyaritimizni qobul qilip öz his - tuyghuliri we meqset - tileklirini anglatti.

Tepisilatini awaz ulinishidin anglighaysizler.

Toluq bet