Norwégiyediki Uyghurlar : tunji qétim özimiz qurghan meschitte héyt namizi oquduq

Ixtiyariy muxbirimiz aygül
2013-08-09
Élxet
Pikir
Share
Print
Norwégiyining paytexti oslo shehiridiki Uyghur islam medeniyet merkizi
Norwégiyining paytexti oslo shehiridiki Uyghur islam medeniyet merkizi
RFA/Aygul

8 - A'uwghust peyshenbe küni mubarek ramizan éyining axirlashqan küni bolup, norwégiyening paytexti oslo we oslo etrapidiki Uyghurlar chirayliq kiyimlerni kiyiship, erler oghullirini,ayallar qizlirini egeshtürüp, oslo sheher merkizidiki Uyghur meschitige rozi héyit namizi oqush üchün jem boldi.

Namaz oqulushtin burun, Uyghur meschitining imami turghunjan qarim ramizan éyining xasiyiti heqqide tebligh qildi. Andin ramizan éyida bérilidighan zakat we sediqe pitre toghriliq chüshenche berdi. Shundin kéyin zakat we sediqe pitre puli yighildi.

Yerlik waqit 09:30 da bashlan'ghan namaz oqulup bolghandin kéyin, héyit namizi turghunjan qarimning weten, milletning xitay zulmidin qutulup hörlükke chiqishigha bolghan tilek - iltijaliri hemde weten, millet yolida jan bergen we bedel töligen shéhit - qehrimanlirigha atap oqulghan tesirlik du'alar bilen axirlashti.

Biz osloda Uyghur meschiti échilghandin kéyinki tunji qétimliq ramizan éyi we rozi héyt namizining qandaq yaxshi ötküzülgenliki heqqidiki tesiratigha ortaqlishish üchün meschit imami turghunjan qarimni ziyaret qilduq. Turghunjan qarim sözini "Allahning himmiti bilen, biz tunji qétim özimiz qurghan meschitte héyt namizi oquduq" dep dawamlashturdi.

Namazdin kéyin jama'et bir - birining héyitini tebrikleshti we meschit idare hey'iti hazirlighan héyitliq dastixan'gha daxil boldi.

Toluq bet